t r t world munbiri ete bashlinidu
t r t world munbiri (TRT World Forum) beshinchi yilliqida «küch we paradoks: 21-esirde büyük istratégiyeni chüshinish» témisida ete (2021-yili 19-öktebir) bashlinidu.
türkiye awazi radiyosi xewiri: t r t world munbiri türkiye jumhur reisi rejep tayyip erdoghanning nutuq sözlishi bilen bashlinidu we 20-öktebir axirlishidu.
bu yil (2021) 36 dölettin 100 ge yéqin söz qilghuchining qatnishishi astida ötküzülidighan 5-qétimliq t r t world munbiride, rehberler, mutexessisler, akadémiklar we dangliq shexsler dunyawi mesililerge yéngi nuqtiiynezerler we yéngi pikirlerni otturigha qoyidu.
jumhur reislik uchur-alaqe idarisining bashliqi fahrettin altun we t r t bash mudiri mehmet zahid sobaji qatarliqlarmu échilish nutqi sözleydu. paaliyette, öz sahesidiki mutexessisler ikki kün boyiche kilimat özgirishi we dunya sehiye kirizisliridin xelqara iqtisadiy tereqqiyatqiche, yawro-asiyaning yüksélishidin dijitallishishqiche bolghan muhim témilar boyiche léksiye sözleydu.
munberde yene, dangliq senetchiler konsért béridu. munberning paaliyetlirini «www.trtworldforum.com» adrésidin körgili bolidu.
