нийу йорктики түрк өйи чәт әллик дипломатларни күтүвалди

америкаиң нийу йорк шәһиридә түркийә җумһур рәиси рәҗәп таййип әрдоғанниң қатнишиши билән сентәбир (2021) ейида ечилған «йеңи түрк өйи» бинаси, хәлқаралиқ дипломатларни күтүвалди.

1720083
нийу йорктики түрк өйи чәт әллик дипломатларни күтүвалди
new york Turkevi diplomatlar1.jpg
new york Turkevi diplomatlar.jpg

түркийә авази радийоси хәвири: түрк бинакарлиқ услуби вә бинаниң үстидики лалә шәкли билән мәнхаттон арилидики башқа асман пәләк биналар арисида алаһидә көзгә челиқип туридиған йеңи түрк өйидә, нурғун дөләтләрниң дипломатлири түркийәниң нийу йорктики консоли рәйһан өзгүрниң тәклипи билән бир йәргә җәм болди.

консол рәйһан өзгүр сөз қилип, йеңи хизмәт бинасиниң түркийәниң зорийиватқан дипломатик вә консолхана хизмәтлиригә мувапиқ лайиһәләнгәнликини, түрк меһмандостлуқидин бәһир елишни халайдиған барлиқ кишиләргә ишиклириниң очуқ икәнликини билдүрди.

у чәт әллик дипломатларға хитаб қилип, мундақ деди:

«силәргә, көргәзмә, конферанс, илмий йиғинлар вә мәдәнийәт паалийәтлирини өткүзүш үчүн, бинамиздин пайдилинишиңлардин мәмнунлуқ һес қилимиз.»

паалийәттә түркийә саксфон сәнәтчиси илхан әршаһин оркестири номур орунлиди. дипломатлар бинаниң 7-қәвитидә түрк йимәкликлиридин һузур алди. дипломатлар нийу йорктики символлуқ биналарниң бири болған түрк өйидә, түркийәниң заманиви бинакарлиқиға вәкиллик қилидиған бинани махтап көккә көтүрди.

б д т омумий мәркизиниң дәл удулиға җайлашқан 35 қәвәтлик түрк өйи бинасида, түркийәниң б д т дики даимий вакаләтханиси, түркийәниң нийу йорктики консолханиси вә шималий қибрис түрк җумһурийитиниң вакаләтханиси орун алиду.



مۇناسىۋەتلىك خەۋەرلەر