türksat amérika spyis éks toxtam tüzdi

ishlepchiqirishi we sinaq basquchini 2022-yilida axirlashturush pilan qilinghan türkiyening tunji milliy xewerlishish süniy hemrahi «6A –türksat» ni qoyup bérish toxtami, türksat shirkiti bilen amérika alem qatnishi shirkiti spyis éks (Space X) bilen tüzüldi.

1707322
türksat amérika spyis éks toxtam tüzdi

türkiye awazi radiyosi xewiri: qatnash ministiri adil karaismailoghlu yazma bayanat élan qilip, «6A –türksat» milliy xewerlishish süniy hemrah layihesi toxtami we qoshumche kélishimning jumhur reis rejep tayyip erdoghanning qatnishishi astida, qatnash ministirliqi, türkiye tebiiy pen we téxnologiye tetqiqat idarisi-tübitak, türksat shirkiti otturisida imzalinip resmiy bashlanghanliqini bildürdi.

u türkiyening dunyada xewerlishish süniy hemrahi yasiyalaydighan 10 döletning birsi ikenlikini kapaletke ige qilidighanliqini eskertip: «süniy hemrahni yasash we sinaq qilish basquchi 2022-yiining axirida tamamlinidu we 2023-yilining tunji charikide qoyup bérish pilan qilindi» dédi.

u süniy hemrahni qoyup bérish xizmetlirining türksat shirkiitning mesuliyiti dairiside ikenlikini eskertip: «tetqiqat we teyyarliq xizmetliri layiheni bashquridighan tübitak idarisi we bashqa ortaq shirketler bilen kordinatsiye halida bolidu. qoyup bérish üchün nurghun shirketlerdin teklipler élindi. bahalash we muzakireler netijiside, téxnika, bashqurush we iqtisadiy jehettin eng muwapiq teklip sunghan spyis éks shirkiitning <9-falkon> rakétasi tallandi. bu ramkida, türksat shirkiti spyis éks shirkiti bilen toxtam tüzüp imzalidi. bu türksat shirkitining süniy hemrah qoyup bérish shirkiti bilen biwaste imzalighan tunji toxtami bolup qaldi» dédi.



مۇناسىۋەتلىك خەۋەرلەر