түркийәдә музейилар көпәйди

түркийә миқйасида музейи сани өткән йили (2020) 2019-йилиға селиштурулғанда %5.8 көпийип 494 кә чиқти.

1703950
түркийәдә музейилар көпәйди

түркийә авази радийоси хәвири: түркийәдә музейи сани 494 кә йәткән болуп, буларниң 205 и мәдәнийәт вә сайаһәт министирлиқи тәвәликидә, 298 и хусусий музейи категорийәси ичидин орун алди.

түркийә истатистика идариси 2020-йилиға мунасивәтлик «мәдәнийәт мирас истатистикилири» ни елан қилди.

буниңға асасланғанда, мәдәнийәт вә сайаһәт министирлиқиға қарашлиқ музейилардики йадикарлиқлар сани, 2020-йили 2019-йилиға селиштурулғанда %0.5 көпийип 3 милйон 278 миң 114 қа йәткән. хусусий музейилардики йадикарлиқлар сани охшаш мәзгилдә %2 көпийип 416 миң 706 гә йәткән.

музейиларниң башқурушидики мәдәнийәт муқим мүлүклириниң сани охшаш мәзгилдә %2.6 көпийип 116 миң 120 гә йәткән.

миллий бағчиларниң сани 2020-йили 2019-йилиға селиштурулғанда %2.3 көпәйгән, тәбиәт бағчиси %1.2 көпәйгән. охшаш мәзгилдә миллий бағчиларниң йүз өлчими %4.5 кеңийип 907 миң 520 гектарға йәткән.

өткән йили (2020) тәбиәт бағчисиниң сани 250 кә көпәйгән болса, йүз өлчими 107 миң 632 гектарға чиққан. тәбиәтни қоғдаш саһәсиниң сани %3.3 көпийип 31 гә чиққан.



مۇناسىۋەتلىك خەۋەرلەر