hindistan délta plas wariyantini «endishe wariyanti» dep atidi

hindistan wuxen wirusi (Kovid-19) ning délta plas wariyantini «endishe wariyanti» dep atigha bolsimu, alimlar yéngi wariyantning éghir tehdit shekillendürüp-shekillendürmeydighanliqini éytish üchün baldurluq qilidighanliqini bildürdi.

1664219
hindistan délta plas wariyantini «endishe wariyanti» dep atidi

türkiye awazi radiyosi xewiri: hindistan wuxen wirusi (Kovid-19) ning délta plas wariyantini «endishe wariyanti» dep atigha bolsimu, alimlar yéngi wariyantning éghir tehdit shekillendürüp-shekillendürmeydighanliqini éytish üchün baldurluq qilidighanliqini bildürdi.

b b s (BBC) ning xewiride bildürülishiche, hindistan sehiye ministirliqi délta plas wariyantining bashqa wariyantlargha sélishturghanda asan tarqilidighanliqini élan qilghan bolup, öpke hüjeyrilirige asan yuqidiken we antitéla dawalinishigha qarshiliq körsitish küchi yuqiri iken.

mezkur wariyatning asan we téz yuqidighan, yuqumlanghanlarda ehwalining éghir bolushi we antitélagha nisbeten qarshiliq küchining yuqiri bolushtek alahidilikning eng az dégende birsi ispatlansa, «endishe wariyanti» dep atilidu. biraq, bezi alimlar mezkur wariyantning bashqa wariyantlargha qarighanda tarqilishchan yaki yuqumlanghanlarning ehwalini éghirlashturuwétishke seweb bolidighanliqini ispatlaydighan héchqandaq melumatning yoqluqini bildürmekte.

wirus tetqiqatchisi gagandép kang (Gagandeep Kang) hazirche yéngi wariyant toghrisidiki qarashlarning toghriliqini ispatlaydighan héchqandaq melumatning yoqluqini eskertip, yéngi wariyantning endishe peyda qilidighan tür yaki emeslikini bilish üchün, biyologiyelik we klinkiliq melumatlargha éhtiyajliq ikenliklirini bildürdi.

hindistan sehiye ministirliqi tunji qétim aprél éyida (2021) körülgen délta plas wariyantining üch ishtatta texminen 40 kishide bayqalghanliqini we mezkur wariyantning yene toqquz dölette (amérika, engliye, portugaliye, shiwéytsariye, yaponiye, polsha, népal, rusiye we xitay) otturigha chiqqanliqini uqturghan idi.  



مۇناسىۋەتلىك خەۋەرلەر