yuqiri témpératura seweb bolghan ölümlerning %37 ge, yer sharining issip kétishi seweb bolghan

yuqiri témpératura seweb bolghan ölümlerning %37 ge, yer sharining issip kétishining seweb bolghanliqi bayqaldi.

1649741
yuqiri témpératura seweb bolghan ölümlerning %37 ge, yer sharining issip kétishi seweb bolghan

türkiye awazi radiyosi xewiri: yuqiri témpératura seweb bolghan ölümlerning %37 ge, yer sharining issip kétishining seweb bolghanliqi bayqaldi.

sputnikning xewirige qarighanda, alimlar 1991-yildin 2018-yilghiche dunyadiki 732 sheherde yuqiri témpératura sewebidin qaza qilghanlarni tekshürgen.

buningda, sheherlerning témpératurasi kompyutér muhitida teyyarlanghan teqlidler bilen kilimat özgirishning éhtimalliqi bilen sélishturuldi.

tetqiqatta, yuqiri témpératura seweb bolghan ölümlerning % 37 ining yer sharining issip kétishi keltürüp chiqarghan pewquladde yuqiri témpératura sewebidin ikenliki bayqalghan.

kilimat özgirishi sewebidin eng köp jénidin ayrilghanlarning jenubiy amérikada ikenliki, biraziliyening san pawlo shehiri yiligha ottura hésab bilen 239 ölüm bilen birinchi rette turidighanliqi qeyt qilindi.

tetqiqatta, 732 sheherde heddidin ziyade yuqiri témpératura sewebidin yilliq otturiche ölüm sanining 9 ming 700 ikenliki körsitildi.

bezi döletlerde jénidin ayrilghanlar sanining oxshimasliqida, medeniyet we muhit amili, shundaqla hawa tengshigüch sistémisining tesirining barliqi otturigha qoyuldi.

wuxen wirusi (Kovid-19) yuqumi sewebidin 2020-yili tashqa aylanghan yéqilghuning ishlitilish nisbiti% 7 töwenligen bolsimu , emma yer sharining otturiche témpératurasi sanaettin ilgiriki (1850-1900) sewiyesidin texminen 1.2 gradus yuqiri ikenliki eskertildi.

tetqiqat netijiliri «tebiet kilimat özgirishi zhurnili» da élan qilinghan.



مۇناسىۋەتلىك خەۋەرلەر