6-may radiyo künliri t r t da tebriklinidu
türkiyediki radiyo anglitishining 94-yilliqi we 6-may radiyo küni, türkiye radiyo-téléwiziye idarisining pirogrammiliri bilen tebriklinidu.
türkiye awazi radiyosi xewiri: türkiyediki radiyo anglitishining 94-yilliqi we 6-may radiyo küni, türkiye radiyo-téléwiziye idarisining pirogrammiliri bilen tebriklinidu.
intérnét torida ötküzülidighan paaliyetlerde, yerlik we chet ellik radiyo pirogrammichiliridin bashqa, anglighuchilar we radiyo heweskarliri bir yerge jem bolidu.
yighin, zawut ishliri we «siz radiyodin kütidighiningizning hemmisi» qatarliq nurghun alahide pirogrammilar anglitilidighan «TRT radiyo künliri» de, anglighuchilarning pikirlirige orun bérilidu.
«t r t f m» (TRT FM) ning etiki (2021-yili 7-may) mexsus anglitishlirida, «men üchün radiyo» , «radiyo eslimilirim» , «eger men radiyochi bolghan bolsam» qatarliq anglighuchilarning pikir-qarashliri we teklip-chüshenchiliri mezmun qilinidighan témilar muzakire qilinidu. undin bashqa, «men qandaq qilip radiyochigha aylandim» mawzusida, dölet we rayon derijilik radiyolarda ishleydighanlar tejribe we pikirlirini ortaqlishidighan bölümler anglighuchilargha sunulidu.
t r t radiyoliri özlirining 94 yilliq sergüzeshtisini tebrikleydighan 6-mayda, barliq radiyo xizmetchilirining qatnishishi bilen ochuq munber ötküzülidu.
t r t radiyoliri bügünki künde, ammiwi mulazimet pirinsip we asasliri yétekchilikide, anglighuchilarni merkez qilghan, heriketchan tarqitish usuli bilen bu sahede bashlamchiliq rol oynimaqta.
t r t radiyoliri oxshimighan kimlik we formatta jemiy 16 dölet we rayon qanili bilen, quruqluq tarqatquchilar süniy hemrah we intérnét arqiliq türkiyening awazini pütün dunyagha anglitishqa tiriship kelmekte.
