«peyghember mesjidi» de terawih namizi oqushqa bolidu
seudi erebistan hökümiti ramizan éyida (12-apréldin 12-mayghiche) terawih namizining medinediki «peyghember mesjidi» de oqushqa bolidighanliqini bildürdi.
türkiye awazi radiyosi xewiri: «mesjidi heram» we «peyghember mesjidi» ishliri mesuli we kebe imami sheyx abdurrahman essudeys, «kowid – 19» yuqumi sewebidin ramizan éyida ijra qilinidighan belgilime heqqide élan qilghan bayanatida, bu dairide, «peyghember mesjidi» ning teraweh namizidin yérim saet kéyin taqilidighanliqi, bamdat namizidin 2 saet burun échilidighanliqi, ramizan éyining axirqi 10 küni bolsa mesjidning 24 saet ochuq bolidighanliqini uqturdi.
ramizan éyida 45 mingi «peyghember mesjidi» ning ichide, 15 mingi gherb terepte yéngi berpa qilinghan hoylilarda bolup, jemiy 60 ming kishining birla waqitta namaz qilalaydighanliqi bildürüldi.
aldinqi yili ramizan éyida, mekkediki «mesjidi herem» bilen medinediki «peyghember mesjidi» de terawih namizining jamaetsiz oqulidighanliqi uqturulghanidi.
