«пәйғәмбәр мәсҗиди» дә тәравиһ намизи оқушқа болиду

сәуди әрәбистан һөкүмити рамизан ейида (12-апрелдин 12-майғичә) тәравиһ намизиниң мәдинәдики «пәйғәмбәр мәсҗиди» дә оқушқа болидиғанлиқини билдүрди.

1604261
«пәйғәмбәр мәсҗиди» дә тәравиһ намизи оқушқа болиду

түркийә авази радийоси хәвири: «мәсҗиди һәрам» вә «пәйғәмбәр мәсҗиди» ишлири мәсули вә кәбә имами шәйх абдурраһман әссудәйс, «ковид – 19» йуқуми сәвәбидин рамизан ейида иҗра қилинидиған бәлгилимә һәққидә елан қилған байанатида,  бу даиридә, «пәйғәмбәр мәсҗиди» ниң тәравәһ намизидин йерим саәт кейин тақилидиғанлиқи, бамдат намизидин 2 саәт бурун ечилидиғанлиқи, рамизан ейиниң ахирқи 10 күни болса мәсҗидниң 24 саәт очуқ болидиғанлиқини уқтурди.

рамизан ейида 45 миңи «пәйғәмбәр мәсҗиди» ниң ичидә, 15 миңи ғәрб тәрәптә йеңи бәрпа қилинған һойлиларда болуп, җәмий 60 миң кишиниң бирла вақитта намаз қилалайдиғанлиқи билдүрүлди.

алдинқи йили рамизан ейида, мәккәдики «мәсҗиди һәрәм» билән мәдинәдики «пәйғәмбәр мәсҗиди» дә тәравиһ намизиниң җамаәтсиз оқулидиғанлиқи уқтурулғаниди.



مۇناسىۋەتلىك خەۋەرلەر