xelqaraliq oqughuchilar chanaqqele zepirini xatirilidi
chet eldiki türkler we qérindash xelqler idarisi-y t b (YTB) xelqaraliq oqughuchilarning chanaqqelede shéhit bolghan bowilirini eslep paaliyet ötküzgenlikini élan qildi.
türkiye awazi radiyosi xewiri: chanaqqelede bowiliri shéhit bolghan xelqaraliq oqughuchilar xatirilesh pirogrammisi ötküzdi.
y t b ning bu heqtiki yazma bayatida bildürülishiche, türkiye oqush mukapati pirogrammisi ramkisida oquwatqan xelqaraliq oqughuchilar 18-mart shéhitlirini xatirilesh küni we chanaqqele déngiz zepirining 106-yilliqi munasiwiti bilen, y t b ning enqerediki ishxanisida «xelqaraliq oqughuchilarning neziride chanaqqele» pirogrammisini uyushturghan.
y t b bashliqi abdullah eren pirogrammida söz qilip, chanaqqele zepirining maddiy we meniwi jehettin nurghun qehrimanliri barliqini bildürdi.
u chanaqqele shéhitzarliqidiki qebre tashlirigha qarighan waqitta, balqan rayoni, kawkaz rayoni we ottura sherqtiki nurghun sheherlerning ismini körgili bolidighanliqini eskertip: «köngül jughrapiyemizning nurghun jayliridin ejdadlirimizning chanaqqelede shéhit bolghanliqini körüwalalaymiz. bu ehwal bügünki kündimu bizge chong sawaq bolush mahiyitige ige. chanaqqele shéhitzarliqi bizning qérindash ikenlikimizni, bir we barawer ikenlikimizni xatirilitidighan intayin muhim shéhitzarliqtur. chanaqqele, ümmetning renglirining bir bayraq astida toplinip urush qilghan jayidur» dédi.
xelqaraliq oqughuchilar namida söz qilghan enqere yildirim beyazit uniwérstétining doktorluq oqughuchisi kosowuluq ekrem zajmi: «raxman isimlik bowam chanaqqelede dostliri bilen mürini-mürige tirep urush qilghan iken. bowilirimizning ötmüshi, küreshliri, makanliri we orunliri oxshash. biz xelqaraliq oqughuchilarningmu kélechiki oxshash bolidu. uningdin del 106 yil kéyin, anadoluda maarip arqiliq kélechikimizning ulini qoyuwatimiz» dédi.
