ayal démek hayat démek, ashiq démek

jumhur reislik mehkimisi uchur-alaqe idarisi 8-mart xelqara ayallar bayrimini «ayal démek» dégen naxsha albomi bilen tebriklidi.

1596978
ayal démek hayat démek, ashiq démek

türkiye awazi radiyosi xewiri: jumhur reislik mehkimisi uchur-alaqe idarisining bashliqi fahrettin altun 8-mart xelqara ayallar bayrimi munasiwiti bilen twittér adrésida uchur hembehirlep: «ayal démek hayat démek, ashiq démek. ayal démek emgek we ümid démek, sherep we ghurur démek. 8-mart xelqara ayallar bayrimi mubarek bolsun» dédi.

«ayal démek» naxshisi we albomida, tünügündin bügüngiche ayallarning aile we jemiyet hayatidiki orni bilen, hayatning her sahesige qoshqan töhpiliri alahide gewdilendürüldi.

azadliq urushidin 15-iyulghiche (2016-yili yüz bergen fethullahchi térrorluq teshkilatining herbiy özgirish qozghashqa urunush herikiti), diyarbakir aniliridin wuxen wirusi (Kovid-19) gha qarshi turushqiche ayallarning hékaysi bayan qilinghan albom, azadliq urushida aldinqi sepke zembirek oqi toshighan ayallarning körünüshliri bilen bashlinidu.

albomda, yéqin-yoruqloiri shéhit bolghan, 15-iyul herbiy isyanida tankilarning aldini tosqan, diyarbakirda ewlad nöwiti tutqan we wuxen wirusigha qarshi wezipe ötigen ayallarning körünüshliri bar.

wuxen wirusi waksinasini yasighan gérmaniyening biyo téxnologiye shirkiti biyonték (BioNTech) ning qurghuchiliridin biri doktor özlem türejining körünüshlirimu bar bolghan albomda yene, maariptin senetkiche, bilimdin sehiyegiche, tenterbiyedin yéza igilikigiche, qanundin mudapie we bixeterlikkiche bolghan her sahege bolghan jemiyetning oxshimighan qatlamlirida muweppeqiyet qazanghan ayallarning fotograflirigha orun bérildi.

sözi doktor hüseyin balkanji, muzikisi yüjel arzen teripidin ijad qilinghan «ayal démek» dégen naxshining tékisti töwendikiche:

bolmisaq bolmaydighan ayallar biz,

yükimiz dunyaning eng éghir yüki.

tarix yazduq qollirimiz bilen,

tupraqni weten qilghan perman biz.

 

yarimiz ashiq bizning, yarimiz ana,

ömerler pethiler berduq jennetke.

janlar özlem bilen yügürdi wezipige,

dertlerni saqaytqan derman biz.

 

hayat...hayat... hayat dégen néme?

ayal démek!

emgek, azap, ümid dégen néme?

ayal démek!

 

quyash, bahar, shepqet dégen néme?

elifke oxshash bashi tik؛ igilmes,

sherep démek!

elifke oxshash bashi tik yiqilmas, ghurur démek!

 

hayatqa mene qoshqan rengler biz,

xushalliqni parlitip, matemni yoshurimiz.

bashta weten, arqidin jan deymiz,

bayraqlarni rohigha yögigen biz.

 

senet bolamti biz bolmisaq,

ilhamni jushqunlatqan biz bolmighan bolsaq,

zamanni toxtatqan köz bolmighan bolsaq,

chüshlerni sewdagha harghuzghan biz.



مۇناسىۋەتلىك خەۋەرلەر