түркийә венгирийәдин йүзләрчә тарихий асарә - әтиқини тапшуруп алди
түркийә буниңдин алтә йил илгири венгирийә таможнисида қолға чүшүрүлгән 412 парчә тарихий йадикарлиқни тапшуруп алди.
1590670
түркийә авази радийоси хәвири: дөлитимиз (түркийә җумһурийити) ташқи ишлар министири мәвлүт чавушоғлу венгирийәдики дөләт ишлири зийарити даирисидә мәнсәпдиши петер сиҗҗарто билән көрүшти.
икки министирниң иштирак қилиши билән венгирийәдә қолға чүшүрүлгән тарихий асарә - әтиқиләрни көргәзмә қилиш вә өткүзүп бериш мурасими өткүзүлди.
чавушоғлу тивиттердики адресида бу һәқтә мәлумат берип: «2015 - йили венгирийәдә қолға чүшүрүлгән анадолуға аит тарихий асарә - әтиқиләрни хәлқимизгә вакалитән мәдәнийәт вә сайаһәт министиримиз мәһмәт нури әрсойға йәткүзуп бериш мәқситидә тапшуруп алдуқ. дост вингирийәгә бу җәрйандики йардәмлири үчүн миннәтдарлиқ билдүримиз» деди.
венгрийә қанун иҗра қилиш тармақлири тәхминән алтә йил илгири таможнида бир аптомобилни тәкшүрүп, рим дәвридики мәрмәр һәйкәл беши, мәрмәр һәйкәл, метал, йағач вә таш билән тәңгиләрдин тәркиб тапқан 412 тарихий асарә – әтиқини қолға чүшүргәниди.
түркийә җумһурийити мәдәнийәт вә сайаһәт министирлиқи һәрикәткә өтүп, тарихий асарә – әтиқиләрни түркийәгә қайтуруп келиш мусаписини башлиғаниди.
тапшуруп елинған мәзкур тарихий асарә - әтиқиләр пайтәхт әнқәрәдики анадолу мәдәнийәт музейида көргәзмә қилиниду.
مۇناسىۋەتلىك خەۋەرلەر
дунйаға даңлиқ сәнәтчиләр рамизан ейини тәбриклиди
дунйаға даңлиқ сәнәтчиләр хусусий таратқу адреслирида рамизан ейиға мунасивәтлик учур һәмбәһирлиди.
