gollandiyede muhemmed eleyhissalamgha haqaret qilish jinayet hésablinishi üchün imza toplandi
gollandiyede musulmanlar teripidin qurulghan nida partiyesi muhemmed eleyhissalamgha haqaret qilishning jinayet hésablinishi we haqaret qilghuchilarning jazalandurlushi üchün 124 ming 170 imza toplidi.
türkiye awazi radiyosi xewiri: nida partiesi parlamént ezasi nurullah gerdan, texminen 50 kishi bilen bu murajietnamige wekillik qilidighan, musulmanlargha öchmenlik qilish we islam düshmenlikige qarshi bayanatni öz ichige alghan wiwiskining, gollandiye parlaménti jaylashqan binnénxof meydanidiki chewendazlar sariyining derwazisigha simwolluq shekilde ésilghanliqini bayan qildi.
ötken yili firansiyide «Charlie Hebdo» zhurnilining muhemmed eleyhissalamgha haqaret qilishidin kéyin, awam palataisida yighin ötküzülüp, qanun maqullinishi üchün imza toplighanliqlirini éytqan gerdan, mundaq dep körsetti: «adette, parlaméntqa kem dégende 40 ming imza qoyulghan murajietname sunulghanda yighin échilidu, emma biz texminen 125 ming imza toplighan bolsaqmu yighin échilmidi, hetta bu murajietnameni pikir erkinlikige xilap, dep qarighan parlamént ezaliri we bir qisim hökümet dairiliri, imza qoyghuchilarni <siler térorchilarni qollawatisiler> dep haqaretlidi.»
u, mewjut hökümettin héch nerse kütmeydighanliqlirini bayan qilip mundaq dédi: «biz bügün bu heriketni, yéngi hökümetke chaqiriqta bolush we bu mesilige jamaetchilikning diqqitini tartish meqsitide bashliduq, chünki, siyasiyonlar bu murajietnamege imza qoyghularni körmeske séliwatidu we közge ilmaywatidu.»
igilinishiche, 17 – mart küni ötküzülidighan omumiy saylamgha tunji qétim qatnishidighan nida partiyesining, rottérdam, lahéy we alméré sheherliride jemiy 4 sheherlik hökümet mejlisi ezasi bar iken.
