голландийәдә муһәммәд әләйһиссаламға һақарәт қилиш җинайәт һесаблиниши үчүн имза топланди

голландийәдә мусулманлар тәрипидин қурулған нида партийәси муһәммәд әләйһиссаламға һақарәт қилишниң җинайәт һесаблиниши вә һақарәт қилғучиларниң җазаландурлуши үчүн 124 миң 170 имза топлиди.

1582920
голландийәдә муһәммәд әләйһиссаламға һақарәт қилиш җинайәт һесаблиниши үчүн имза топланди

түркийә авази радийоси хәвири: нида партиәси парламент әзаси нуруллаһ гәрдан, тәхминән 50 киши билән бу мураҗиәтнамигә вәкиллик қилидиған, мусулманларға өчмәнлик қилиш вә ислам дүшмәнликигә қарши байанатни өз ичигә алған вивискиниң, голландийә парламенти җайлашқан бинненхоф мәйданидики чәвәндазлар сарийиниң дәрвазисиға символлуқ шәкилдә есилғанлиқини байан қилди.

өткән йили фирансийидә «Charlie Hebdo» журнилиниң муһәммәд әләйһиссаламға һақарәт қилишидин кейин, авам палатаисида йиғин өткүзүлүп, қанун мақуллиниши үчүн имза топлиғанлиқлирини ейтқан гәрдан, мундақ дәп көрсәтти: «адәттә, парламентқа кәм дегәндә 40 миң имза қойулған мураҗиәтнамә сунулғанда йиғин ечилиду, әмма биз тәхминән 125 миң имза топлиған болсақму йиғин ечилмиди, һәтта бу мураҗиәтнамәни пикир әркинликигә хилап,  дәп қариған парламент әзалири вә бир қисим һөкүмәт даирилири, имза қойғучиларни <силәр терорчиларни қоллаватисиләр> дәп һақарәтлиди.»

у, мәвҗут һөкүмәттин һеч нәрсә күтмәйдиғанлиқлирини байан қилип мундақ деди: «биз бүгүн бу һәрикәтни, йеңи һөкүмәткә чақириқта болуш вә бу мәсилигә җамаәтчиликниң диққитини тартиш мәқситидә башлидуқ, чүнки, сийасийонлар бу мураҗиәтнамәгә имза қойғуларни көрмәскә селиватиду вә көзгә илмайватиду.»

игилинишичә, 17 – март күни өткүзүлидиған омумий сайламға тунҗи қетим қатнишидиған нида партийәсиниң, роттердам, лаһей вә алмере шәһәрлиридә җәмий 4 шәһәрлик һөкүмәт мәҗлиси әзаси бар икән.



مۇناسىۋەتلىك خەۋەرلەر