kanada 29-yanwarni dölet xatirilesh küni élan qildi
kanada 2017-yili kubék (Quebec) shehiride yüz bergen jame hujumida qaza qilghanlarni hörmetlesh we hayat qalghanlar bilen ittipaqdashliqini bildürüsh üchün, 29-yanwar künini dölet xatirilesh küni qilip békitilgenlikini élan qildi.
türkiye awazi radiyosi xewiri: kanada medeniyet ministiri stéwén guylbéyut (Steven Guilbeault) 29-yanwar künning dölet xatirilesh küni qilip békitilgenlikini élan qildi.
u bayanatida, bu künning resmiy resmiy namining «kubék shehiri jame hujumi we islam qorqunchigha qarshi heriket dölet xatirilesh küni» ikenlikini éytti.
u dölet xatirilesh künidin islam qorqunchigha qarshi küreshni ilhamlandurush üchünmu paydilinidighanliqini bildürüp: «islam qorqunchi, nepret, ashqunlishish we bu heqiqetlerni inkar qilish, mezkur qorqunchliq jinayetning menbesi. islam qorqunchi her yerdiki musulman jemiyetler üchün konkrét we künlük heqiqet hésablinidu. qurban bolghanlarni xatirilesh, her xil ayrimichiliqlargha qarshi küresh qilish we hemmini quchaqlaydighan kanada berpa qilish mesuliyitimiz bar» dédi.
2107-yili kubék shehiridiki kubék islamiy medeniyet merkizining jamesige aptomatik qorallar bilen hujum qilghan aléksanjéri bissonét (Alexandre Bissonnette) xupten namizi oquwatqan jamaetni oqqa tutup, alte kishini öltürüp, besh kishini yaridar qilghan idi.
weqedin kéyin tutulghan hujumchi jinayitini itirap qilghan we muddetsiz qamaqqa höküm qilinghan idi.
