2020-йиллиқ нобел тинчлиқ мукапати б д т дунйа ашлиқ пирограммисиға әвәтилди
норвегийә нобел комитетиниң башлиқи берит райсис андрсен(Berit Reiss-Andersen)комитет мәркизи җайлашқан ослода телевизийә йиғиниға қатнишип, мукапатниң б д т дунйа ашлиқ пирограммисиниң италийә пайтәхти римдики баш мәркизигә әвәтилгәнликини билдүрди.
түркийә авази радийоси хәвири: норвегийә нобел комитетиниң башлиқи берит райсис андрсен б д т дунйа ашлиқ пирограммисиниң уруш вә тоқунуш мәйданлирида ачарчилиқтин қорал сүпитидә пайдилинишқа қарши турғанлиқи сәвәбидин нобел тинчлиқ мукапатиға лайиқ көрүлгәнликини әскәртти.
у б д т дунйа ашлиқ пирограммисиниң директори давид бесле (David Beasley) ни келәр йили (2021) өткүзүлидиған мурасимда күтүвелишни халайдиғанлиқлирини билдүрди.
нобел тинчлиқ мукапатиниң медали вә гуваһнамисини тапшурувалған б д т дунйа ашлиқ пирограммисиниң иҗраийә директори бесли мундақ деди:
«б д т баш катипи антонийо гутеррс, башқуруш кеңишимиз, қериндаш тәшкилатлиримиз, шериклиримиз, ианичилиримиз вә әң муһими б д т дунйа ашлиқ пирограммисиниң 19 миң хизмәтчиси билән биздин бурунқи хизмәтчиләр, вәзипә өтәш җәрйанида җенидин айрилғанлар вә биз хизмәт сунған 100 милйон ачарчилиқта қалған киши намидин бу чоң шәрәп үчүн норвегийә нобел тинчлиқ комитетиға тәшәккүр ейтимән. ашлиқниң тинчлиққа баридиған йол икәнликигә ишинимән. ачарчилиқта қалған 270 милйон кишидин 30 милйониниң йашап қелиши үчүн йардәмләргә моһтаҗ.»
у дунйада 400 тирилийон долларлиқ байлиқ барлиқини вә ваба йуқири пәллигә өрлигән күнләрдиму 2.7 тирилийон долларлиқ қошумчә байлиқ йаритилғанлиқини әскәртип: «биз 30 милйон кишини ачарчилиқтин қутқузушимиз үчүн 5 милйард долларға еһтийаҗлиқ» деди.
