xelqaraliq oqughuchilar akadémiyesige iltimas qilish bashlandi

türkiye awazi radiyosi xewiri: y t b xelqaraliq oqughuchilar akadémiyesige iltimas qilishning bashlanghanliqini uqturdi.

y t b ning bu heqtiki yazma bayanatigha asaslanghanda, türkiyede aliy mekteplerde oqughan xelqaraliq oqughuchilarning akadémik, ijtimaiy we medeniyet sewiyesini kücheytishi we kespiy ornigha hesse qoshush üchün emelge ashurulghan akadémiye iltimasliri 2020-yili 7-dékabirghiche türkiye oqush mukapati intérnét béti bolghan «https://tbbs.turkiyeburslari.gov.tr» adrési arqiliq qobul qilinidu.

layihe tüzüsh, emeliyetke tedbiqlash we teshkillesh qabiliyetlirini tereqqiy qildurush bilen ijtimaiy mesuliyet éngini yuqiri kötürüshni nishan qilghan akadémiyege, türkiyede oqughan barliq xelqaraliq oqughuchilar iltimas qilsa bolidu.

akadémiye oxshash waqitta, xelqaraliq oqughuchilar oqughan kesipliride mutexessisleshken akadémiklar, yazghuchi we senetchiler bilen tonushushigha imkaniyet yaritip béridu.

xelqaraliq oqughuchilar akadémiyesi ilmiy muhakime pirogrammiliri, iqtisas pirogrammiliri, medeniyet we senet pirogrammiliridin ibaret üch xil katégoriyedin teshkil tapidu.

ilmiy muhakime we iqtisas pirogrammiliri intérnétta, medeniyet we senet pirogrammiliri wuxen wirusigha qarshi zörür tedbirler élinghan halda az sandiki ishtirakchilar bilen yüz turane ötküzülidu.

xelqaraliq oqughuchilar akadémiyesige munasiwetlik tepsiliy uchurlarni «www.turkiyeburslari.gov.tr» adrésidin alghili bolidu. oqughuchilar soal we pikir-tekliplirini «akademi@ytb.gov.tr» adrési arqiliq y t b gha yetküzeleydu.