хәлқаралиқ оқуғучилар академийәсигә илтимас қилиш башланди

түркийә чәт әлдики түркләр вә қериндаш хәлқләр идариси-й т б түркийәдә алий мәктәпләрдә оқуған хәлқаралиқ оқуғучилар үчүн тәййарланған хәлқаралиқ оқуғучилар академийәсигә илтимас қилиш башланди.

1535561
хәлқаралиқ оқуғучилар академийәсигә илтимас қилиш башланди

түркийә авази радийоси хәвири: й т б хәлқаралиқ оқуғучилар академийәсигә илтимас қилишниң башланғанлиқини уқтурди.

й т б ниң бу һәқтики йазма байанатиға асасланғанда, түркийәдә алий мәктәпләрдә оқуған хәлқаралиқ оқуғучиларниң академик, иҗтимаий вә мәдәнийәт сәвийәсини күчәйтиши вә кәспий орниға һәссә қошуш үчүн әмәлгә ашурулған академийә илтимаслири 2020-йили 7-декабирғичә түркийә оқуш мукапати интернет бети болған «https://tbbs.turkiyeburslari.gov.tr» адреси арқилиқ қобул қилиниду.

лайиһә түзүш, әмәлийәткә тәдбиқлаш вә тәшкилләш қабилийәтлирини тәрәққий қилдуруш билән иҗтимаий мәсулийәт еңини йуқири көтүрүшни нишан қилған академийәгә, түркийәдә оқуған барлиқ хәлқаралиқ оқуғучилар илтимас қилса болиду.

академийә охшаш вақитта, хәлқаралиқ оқуғучилар оқуған кәсиплиридә мутәхәссисләшкән академиклар, йазғучи вә сәнәтчиләр билән тонушушиға имканийәт йаритип бериду.

хәлқаралиқ оқуғучилар академийәси илмий муһакимә пирограммилири, иқтисас пирограммилири, мәдәнийәт вә сәнәт пирограммилиридин ибарәт үч хил категорийәдин тәшкил тапиду.

илмий муһакимә вә иқтисас пирограммилири интернетта, мәдәнийәт вә сәнәт пирограммилири вухән вирусиға қарши зөрүр тәдбирләр елинған һалда аз сандики иштиракчилар билән йүз туранә өткүзүлиду.

хәлқаралиқ оқуғучилар академийәсигә мунасивәтлик тәпсилий учурларни «www.turkiyeburslari.gov.tr» адресидин алғили болиду. оқуғучилар соал вә пикир-тәклиплирини «akademi@ytb.gov.tr» адреси арқилиқ й т б ға йәткүзәләйду.



مۇناسىۋەتلىك خەۋەرلەر