һайат келәр йили қишта нормалға қайтиши мумкин

вухән вируси (Kovid-19) ға қарши йасалған вә үнүми %90 кә йәткән ваксинани тәтқиқ қилип чиққан германийә бийонтек (BioNTech» ширкитиниң қурғучилиридин пирофессор доктор уғур шаһин һайатниң келәр йили(2021) қишта нормалға қайтиши мумкинликини ейтти.

1528544
һайат келәр йили қишта нормалға қайтиши мумкин

түркийә авази радийоси хәвири: вухән вирусиға қарши %90 үнүмгә игә ваксинани тәтқиқ қилған пирофессор доктор уғур шаһин б б с (BBC) ниң зийаритини қобул қилди.

у бундақ үнүми йуқири болған ваксина билән кишиләр арисидики йуқумлинишниң %90 әмәс, бәлки %50 азийдиғанлиқиға ишинидиғанлиқини билдүрүп, бу арқилиқ вухән вирусиниң тарқилишини йуқири сәвийәдә төвәнләткили болидиғанлиқини қәйт қилди.

у һәммә иш өзиниң йолида болғанда, ваксинаниң бу йил (2020) ниң ахири йаки келәр йили (2021) ниң бешида тарқилишқа башлинидиғанлиқини әскәртип, келәр йили апрел ейиғичә дунйа миқйасида әң аз дегәндә 300 милйон шишә тарқитишни нишан қилғанлиқлирини билдүрди.

у келәр йили қишта , һайатниң нормалға қайтиши мумкинликини билдүрүп, ваксина уруш ишлирини келәр йили күздә ахирлаштурушниң муһим икәнликини тәкитлиди.

у: «йаз айлирида йуқум нисбитиниң төвәнлиши вухән вирусиға қарши турушқа пайдилиқ. келәр йили күзниң ахири ваксина уруш ишлирида йәтмәкчи болған сәвийәгә йетиш интайин муһим. ваксина урулған йәрдә бир қанчә күн ағриш вә бир қанчә күн қизиштәк әкс тәсирлири көрүлди. әмма, ваксинани тохтатқидәк еғир әһвал көрүлмиди» деди.



مۇناسىۋەتلىك خەۋەرلەر