qizilay jemiyiti sudandiki aililerge yardem qildi

türkiye qizilay jemiyiti ötken ay (séntebir) sudanda yüz bergen su apitining tesirige uchrighan aililerge insanperwerlik yardemlirini dawamlashturmaqta.

1518548
qizilay jemiyiti sudandiki aililerge yardem qildi

türkiye awazi radiyosi xewiri: türkiye qizilay jemiyiti sudan qizilay jemiyiti bilen hemkarliship, paytext xartumning halfaya nahiyeside toxtimay yaghqan yamghur sewebidin yüz bergen su apitide, öyliri örülgen we chédirlarda yashawatqan aililerge 300 yishik yémek-ichmek tarqatti.

türkiye qizilay jemiyitining sudandiki bash wekili serdar yilmaz su apitining ziyinigha uchrighan aililerge yardem qilish meqsitide, 2 ming dane yémek-ichmek yishikidin 300 danisini halfadiki aililerge tapshurghanliqlirini we kéyinki künlerde yardemni dawamlashturidighanliqlirini qeyt qildi.

sudan ichki ishlar ministirliqi shiddetlik yamghur seweb bolghan su apetliride 138 kishining jénidin ayrilip, 56 kishining yarilanghanliqini, 100 mingdin artuq öyning qismen yaki pütünley weyran bolghanliqini élan qilghan idi.

sudan dölet mudapie we xewpsizlik kéngishi 2020-yili 5-séntebir apet sewebidin üch ayliq jiddiy halet jakarlighan idi.



مۇناسىۋەتلىك خەۋەرلەر