dunya yémek-ichmek pirogrammisi nobél tinchliq mukapatigha érishti

2020-yilliq nobél tinchliq mukapati acharchiliqqa qarshi körsetken tirishchanliqliri we urushning tesirige uchrighan rayonlarda tinchliq sharaitlirini yaxshilashqa qoshqan töhpiliri sewebidin dunya yémek-ichmek pirogrammisi (WFP) gha bérildi.

1506134
dunya yémek-ichmek pirogrammisi nobél tinchliq mukapatigha érishti

türkiye awazi radiyosi xewiri: norwégiye nonél komitéti tinchliq mukapatining «dunya yémek-ichmek pirogrammisi» gha bérilgenliki heqqide bayanat élan qildi.

bayanatta, 2020-yilliq nobél tinchliq mukapatigha érishken dunya yémek-ichmek pirogrammisining acharchiliqqa qarshi körsetken tirishchanliqliri, urushning tesirige uchrighan rayonlarda tinchliq sharaitlirining yaxshilinishigha qoshqan töhpiliri, acharchiliqni urush we urush qorali qilip paydilinishning aldini élishta, ittirgüchi küch bolup heriket qilishi sewebi bilen, mukapatqa layiq körülgenliki qeyt qilindi.

dunya yémek-ichmek pirogrammisining acharchiliqqa qarshi küresh qilghan we yémek-ichmek bixeterlikini qoghdighan dunyadiki eng chong insanperwerlik yardem teshkilati ikenliki bildürülgen bayanatta, 2019-yilida 88 dölette yémek-ichmekte bixeter bolmighan we acharchiliqning qurbani bolghan 100 milyongha yéqin kishige yardem qilghanliqi eskertildi.

bayanatta, wuxen wirusi (Kovid-19) mezgilide, dunyada acharchiliqqa qarshi küresh qilghanlarning sanida éshish bolghanliqi, dunya yémek-ichmek pirogrammisining wabagha qarshi tirishchanliqini téximu ashurushta kishini tesirlendüridighan derijide gheyret qilghanliqi tekitlendi.

bayanatta yene, dunya yémek-ichmek pirogrammisi we bashqa yémek-ichmek teshkilatliri telep qilghan maliye yardimige érishelmise, dunyaning kishining eqli yetmeydighan acharchiliq kirizisige duch kélidighanliqi qeyt qilindi.

dunya yémek-ichmek pirogrammisi, yardemge éhtiyajliq döletlerde iqtisadiy we ijtimaiy tereqqiyatni qollash meqsitide yémek-ichmek yardem qilish, jiddiy halet we kirizis waqitlirida otturigha chiqqan yémek-ichmek éhtiyajlirini qamdash, b d t teshkilatliri we yémek-ichmek, yéza igiliki orginining tewsiyeliri boyiche dunya yémek-ichmek bixeterlikini qoghdash mesililiri boyiche we 2030-yilighiche dawamlashturghili bolidighan tereqqiyat nishanliri toghrisida paaliyet qilidu.    



مۇناسىۋەتلىك خەۋەرلەر