türkiye liwanghimu yardem qolini sozdi

türkiye liwan xelqining jiddiy éhtiyajlirini qamdash üchün yardem xizmetlirini bashlidi.

1467661
türkiye liwanghimu yardem qolini sozdi

türkiye awazi radiyosi xewiri: türkiye tashqi ishlar ministirliqining bayanatchisi hami aksoy liwanda tünügün (2020-yili 4-awghust) yüz bergen partlashtin kéyin, türkiyening liwan xelqining jiddiy éhtiyajlirini qamdash üchün yardem xizmetlirini bashliwetkenlikini bildürdi.

türkiye tashqi ishlar ministirliqining bayanatchisi hami aksoy yüz bergen partlashtin kéyin, türkiyening liwangha qilidighan yardemlirige munasiwetlik yazma bayanat élan qildi.

u türkiye jumhur reisi rejep tayyip erdoghanning yolyoruqi bilen yardem xizmetlirining bashlanghanliqini bildürüp: «sehiye ministirliqi, tebiiy apet we jiddiy ishlargha taqabil turush idarisi bilen qizilay jemiyiti arqiliq rayongha qutquzush xadimliri hemde sehiye xadimlirini ewetiwatidu. sehra doxturxaniliri qurush pilan qiliniwatidu. buningdin bashqa, dora we tibbiy lazimetliklerni öz ichige alghan jiddiy éhtiyajliq insanperwerlik yardem buyumliri ewetiliwatidu. dost we qérindash dölet liwangha bu qiyin künlerdin zich hemkarliq ichide baldurraq ötüp kétishi ümidide her türlük yardemlerni qilishni dawamlashturimiz» dédi. 



مۇناسىۋەتلىك خەۋەرلەر