хәлқара көч филимлири фестивалида, «сама үчүн» намлиқ филим мукапатқа еришти

түркийә җумһур рәислик мәһкимисиниң қоллиши астида ички ишлар министирлиқиниң көч идариси уйуштурған «хәлқара көч филимлири фестивали» (UGFF) да, «сама үчүн» намлиқ филим «әң йахши надир филим» мукапатиға еришти.

1440663
хәлқара көч филимлири фестивалида, «сама үчүн» намлиқ филим мукапатқа еришти

түркийә авази радийоси хәвири: газиантәптә өткүзүлүши пилан қилинған, әмма вухән вируси (Kovid-19) сәвәбидин кечиктүрүлгәнмәсилиләр әтраплиқ һалда баш тема қилинған фестивалда, вад әл кәйтаб (Waad Al- Kateab) вә едвард ват (Edward Watts) режиссорлуқ қилған «сама үчүн» намлиқ филим, «әң йахши надир филим» мукапатиға лайиқ көрүлди.

            

баһалиғучилар һәйитиниң башлиқи режиссор нури билгә җәйлан бу йилқи (2020) биринчи қетимлиқ көч филимлири фестивалида «әң йахши надир филим» мукапатиниң, аваз бирлики билән «сама үчүн» намлиқ филимгә берилгәнликини билдүрди.

у: «темиси билән заманимизниң әң чоң тирагедийәлиридин биригә игә чиқиш чүшәнчиси билән йолға чиққан хәлқара көч филимлири фестивалиниң әң йахши филим мукапати, бир һөҗҗәтлик филимгә берилди. бу филим- сүрийәдә йүз бәргән вәқәләр тоғрисидики барлиқ көз-қарашлиримизни йәр билән йәксан қилип, мусапирларға болған қаришимизни өзгәртидиған күчкә игә болған, кишини һәйран қалдуридиған, йиғилип қалған вә астидин турғили болмайдиған соалларға дучар қилидиған филим. бу филим йәнә, қолдики кишини һәйран қалдуридиған материйалларни устилиқ билән һекайигә айландурушта мувәппәқийәткә еришкән вә һәр бир сәһниси билән кишиниң тәбиийти һәққидә бурундин давамлишип кәлгән қарашларни йоқ қилидиған тәпсилатларни өзигә муҗәссәмлигән филимдур» деди.

филимниң реиссорлиридин бири болған вад әл кәйтаб мукапатқа еришкәнликлиридин көп сөйүнгәнликлирини билдүрүп: «бир йерим йил түркийәдә йашидим. мәнму мусапирлардин бири идим. һазир әнглийәдә мусапир болуп туруватимән. түркийәдә йашиғанларниң ‹сама үчүн› ни күрүшиниң, мусапирларниң немә үчүн мусапир болғанлиқини, қанчилик қийинчилиқларға дуч келидиғанлиқини, өзиниң дөлитидә йашап қелиш үчүн қанчилик күрәш қилидиғанлиқини, омумән қилип ейтқанда, немиләрни баштин кәчүридиғанлиқини чүшиниши үчүн муһим дәп қараймән. филимимизгә әһмийәт бәргәнликиңлар үчүн тәшәккүр ейтимән» деди.



مۇناسىۋەتلىك خەۋەرلەر