mars atmosférasida yéshil nur bayqaldi

yawropa alem idarisi (ESA) ning iz qoghlash süniy hemrahi mars atmosférasida zumrettek yéshil nurning tarqalghanliqini bayqidi.

1437189
mars atmosférasida yéshil nur bayqaldi

türkiye awazi radiyosi xewiri: «Space.com» tor bétidiki xewerge qarighanda, süniy hemrahning bayqishini xatiriligen bélgiye lyég uniwérsitétining astronomi zhan klawd gérard (Jean-Claude Gerard), yersharining qarangghu qismida atmosférada körülgen oksigén atomlirining belgilik nur dolqunini tarqitishidin peyda bolghanliqi perez qilinghan yéshil nurni, yersharining sirtida tunji qétim közetkenliklirini éytti.

gérard yéshil nur tarqitishning oksigén molékulasining xaraktéri ikenlikini tilgha élip, «shimal nurliri» dep atilidighan aroralarningmu quyashtin tarqalghan éléktr zerrichilirining atmosféraning yuqiri qewetliridiki molékulalargha soqulghanda shekillengenlikini bildürdi.

gérard we uning xizmetdashlirining mölcheriche, marstiki nurning pilanéta atmosférasining %95 ni teshkil qilidighan karbon töt oksid gazining atmosféraning üstünki qewetliride parchilinishi we karbon oksid hemde oksigén bolup ayrilishi netijiside shekillengen bolushi mumkin iken.



مۇناسىۋەتلىك خەۋەرلەر