bügün kechte istanbul pethi qilinghanliqining 567 yilliqi tebriklinidu

türkiye awazi radiyosi xewiri: jumhur reis rejep tayyip erdoghan «istanbul pethi qilinghanliqining 567 yilliqini xatirilesh künide xelqimiz bilen birlikte nahayiti güzel pirogrammilargha guwah bolimiz» dep jamaetchilikke élan qilghan «istanbulning pethi qilinghan künini xatirilesh pirogrammisi»ning tepsilatliri ortaqlishildi.

istanbul pethi qilinghanliqining 567 – yilini xatirilesh küni türkiye jumhuriyiti jumhur reisi rejep tayyip erdoghan ishtirak qilidighan mexsus pirogramma arqiliq tebriklinidu.

aldi bilen yelkenlik kémiler fédératsiyesi «29 – may istanbul boghuzi pethige hörmet parattin ötüsh paaliyiti»ni orundaydu؛ kémiler xuber sariyining aldidin ötüsh jeryanida jumhur reis rejep tayyip erdoghanghimu salam béridu.

topkapi sariyida ötküzülidighan yene bir mexsus paaliyette, dunyaning eng qedimiy we eng heshemetlik armiye ümiki bolghan dölet mudapie ministirliqi mehteran birliki we senetchi arslanbek sultanbékow tunji qétim bu alahide kün munasiwiti bilen birlikte mehter marshini éytidu.

jumhur reislik mehkimisi uchur – alaqe ishliri idarisi yutiyub qanili we ijtimaiy taratqudiki adrésliri arqiliq türkiye waqti saet 19:00 da istanbulning pethi qilinishini xatirilesh paaliyiti alahide konsértini tarqitidu.

türkiye waqti saet 19:00 da türkiye oqyachilar wexpining pethi longqisini talishish musabiqsii ötküzülidu. quran kerim tilawiti we petih duasi bilen bashlinidighan paaliyette, eneniwi türk oqyachiliqi hel qilghuch musabiqisning mukapat tarqitish murasimi bilen birlikte türkiye miqyasida ötküzülgen «istanbulning pethi» témiliq shéir déklimatsiye qilish musabiqiside birinchilikke érishküchi sin körünüshlük shéir déklimatsiye qilidu.

jumhur reis erdoghan türkiye waqti saet 20 din 53 minut ötkende sin körünüshlük halette ishtirak qilidighan paaliyette, mehteran etritining nomurliri, nur chaqnish oyunliri we étildaq étish nomurlirimu körsitilidu.

fetih paaliyiti saet 21:30 da medeniyet we sayahet ishliri ministirliqining riyasetchilikide ayasofyada dawamlashturulidu.

paaliyet, fatih sultan mehmetning istanbulni pethi qilghanda kémilerni ötküzgen quruqluq yolini boylap ayasofyaghiche sozulghan yönilishke dair körünüshler bilen bashlinidu.

ayasofya ichide fetih sürisini oqush dawamlashturulidighan paaliyettin kéyin fetih duasi qilinidu.

jumhur reis erdoghan yene sin körünüshlük halette ishtirak qilidighan bu paaliyette, ayasofyaning aldigha orunlashturulghan supa üstide istanbulning pethi témiliq nomurlar körsitilidu.

fetih paaliyiti, tarixiy yérim araldiki étildaq étish nomurliri bilen axirlishidu.

paaliyetlerning hemmisi jumhur reislik mehkimisi uchur – alaqe ishliri idarisining yutiyub qanalliri bilen ijtimaiy taratqulardiki adrésliri we téléwiziye qanallirida biwasite tarqitilidu.