tramp alem qararnamisini imzalidi
amérika pirézidénti donald tramp alem kanchiliq ishlirigha we yer sharining sirtidiki bayliqlardin alahide paydilinishqa ruxset qilghan qararnamini imzalidi.
türkiye awazi radiyosi xewiri: amérika pirézidénti donald tramp alemdiki bayliqlardin paydilinishqa ruxset qilghan qararnamini imzalidi. qararname, ay shari we bashqa asman jisimlirida tépilidighan su hemde ménérallardin, alem ishliri we tetqiqatlirini qollash üchün paydilinishni meqset qilidu. buning bilen, xususiy shirketler we shexslerning alem menbeliridin paydilinishining yoli échilghan boldi.
amérika döletlik alem kéngishining katipi skot péys (Scott Pace) bu heqte bayanat élan qilghanda, qararnamining, amérikaning artémis nishani dairiside, aygha arqidin marsqa adem chiqirish üchün xelqaraliq shérikliri bilen bolidighan sodida ornini muqimlashturushni meqset qilghanliqini bildürdi.
amérika tashqi alem kélishimining bashlamchiliridin biri bolsimu, emma alemge yürüsh qilghan bashqa döletlerge oxshash 1979-yili imzalanghan we «ay kélishimi» dep bilinidighan «her qaysi döletlerning ayda we bashqa asman jisimliridiki paaliyetlirini tertipke salidighan kélishim» ni qollimighan idi. kélishim, alem menbelirini bilimning sirtida paydilinishning xelqaraliq belgilimilerge baghliq bolushi kéreklikini zörür shert qilatti.
amérika kongresi 2015-yilida chiqarghan qanun arqiliq amérika shirketliri we puqralirining aydiki bayliqlardin we asman jisimliridin paydilinishigha ruxset qilghan idi.
amérika alem qatnishi idarisi-nasa (NASA) artémis wezipisi dairiside, 2024-yilighiche aygha adem chiqirishni meqset qilmaqta. 2028-yilighiche dawamlishishi pilan qilinghan ay seperliridin kéyin, ayning orbitasida bir alem ponkiti qurush we bu yerdin pelempey sheklide paydilinip, marsqa adem chiqirish meqset qilinmaqta.
