трамп аләм қарарнамисини имзалиди
америка пирезиденти доналд трамп аләм канчилиқ ишлириға вә йәр шариниң сиртидики байлиқлардин алаһидә пайдилинишқа рухсәт қилған қарарнамини имзалиди.
түркийә авази радийоси хәвири: америка пирезиденти доналд трамп аләмдики байлиқлардин пайдилинишқа рухсәт қилған қарарнамини имзалиди. қарарнамә, ай шари вә башқа асман җисимлирида тепилидиған су һәмдә менераллардин, аләм ишлири вә тәтқиқатлирини қоллаш үчүн пайдилинишни мәқсәт қилиду. буниң билән, хусусий ширкәтләр вә шәхсләрниң аләм мәнбәлиридин пайдилинишиниң йоли ечилған болди.
америка дөләтлик аләм кеңишиниң катипи скот пейс (Scott Pace) бу һәқтә байанат елан қилғанда, қарарнаминиң, американиң артемис нишани даирисидә, айға арқидин марсқа адәм чиқириш үчүн хәлқаралиқ шериклири билән болидиған содида орнини муқимлаштурушни мәқсәт қилғанлиқини билдүрди.
америка ташқи аләм келишиминиң башламчилиридин бири болсиму, әмма аләмгә йүрүш қилған башқа дөләтләргә охшаш 1979-йили имзаланған вә «ай келишими» дәп билинидиған «һәр қайси дөләтләрниң айда вә башқа асман җисимлиридики паалийәтлирини тәртипкә салидиған келишим» ни қоллимиған иди. келишим, аләм мәнбәлирини билимниң сиртида пайдилинишниң хәлқаралиқ бәлгилимиләргә бағлиқ болуши керәкликини зөрүр шәрт қилатти.
америка конгрәси 2015-йилида чиқарған қанун арқилиқ америка ширкәтлири вә пуқралириниң айдики байлиқлардин вә асман җисимлиридин пайдилинишиға рухсәт қилған иди.
америка аләм қатниши идариси-наса (NASA) артемис вәзиписи даирисидә, 2024-йилиғичә айға адәм чиқиришни мәқсәт қилмақта. 2028-йилиғичә давамлишиши пилан қилинған ай сәпәрлиридин кейин, айниң орбитасида бир аләм понкити қуруш вә бу йәрдин пәләмпәй шәклидә пайдилинип, марсқа адәм чиқириш мәқсәт қилинмақта.
