iran bilen hindonéziyede yer tewridi
iranning jenubigha jaylashqan hürmüzgan ishtatigha qarashliq hemir nahiyeside we hindonéziyening sherqiy nusa ténggara ishtatida 5.4 bal yer tewridi.
türkiye awazi radiyosi xewiri: téhran uniwérstéti yer tewresh tetqiqat merkizi yer hürmüzean ishtatida yer tewrigenliki toghrisida bayanat élan qildi.
bayanatta, bu qétimqi 5.4 balliq yer tewreshning merkiziy nuqtisi hürmüzgan ishtatigha qarashliq hemir nahiyesi ruyder baziri ikenliki, shu yer waqti bügün (16-mart) etigen 01:34 minut ötkende, yerdin 16 kilométir chongqurluqta yüz bergenliki qeyt qilindi.
hazirche, yer tewreshte ölüm-yétim hadisining yüz bérip-bermigenliki toghrisida melumat élan qilinmidi.
hindonéziye métérologiye klimat we géofizika idarisi merkiziy quqtisi sherqiy nusa ténggara ishtatining kodi sumba rayonining gherbiy jenubigha 147 kilométir kélidighan jayda, yerdin 10 kilométir chongqurluqta 5.4 bal yer tewrigenlikini élan qildi.
yer tewreshte ölüm-yétim hadisining körülmigenliki bildürüldi. yer tewreshtin kéyin, déngiz tashqini toghrisidimu agahlandurush élan qilinmidi.
