наса аләмгә әвәтилидиған машиниға исим қойди
америка аләм қатниши идариси наса (NASA) марсқа әвәтилидиған аләм машинисиға «ирадә» (Perseverance) дәп исим қойди.
түркийә авази радийоси хәвири: наса қизил пиланета марсқа әвәтилидиған аләм машинисиға берилидиған исимниң «ирадә» дәп бекитилгәнликини елан қилди.
насаниң интернет бетидә бу һәқтә елан қилинған байанатта, «2020-марс» аләм машинисиниң исмини бәлгиләш үчүн американиң охшимиған иштатлиридин хәт әвәткәнләр оттурисида өткүзүлгән мусабиқидә, «ирадә» исмини тәклип қилған вирҗинийә (Virginia) дә турушлуқ 11 йашлиқ александер масиерниң (Alexander Mather) утуқ қазанғанлиқи елан қилинди.
байанатта, масерниң 2020-йили ийул ейида флоридадики кейип канаврал (Cape Canaveral) аләм базисидин қойуп берилидиған аләм машинисини көрүш үчүн тәклип қилинғанлиқи әскәртилди.
2020-йили 17-ийул қойуп берилидиған аләм машиниси марсқа 2021-йили 18-март қонидикән.
насаниң 2020-йиллиқ марс тәтқиқат нишанида, астрономийәлик вә геологийәлик басқучлири бар.
