ezerbeyjanda qanuni sultan suleyman dewrige ait bir höjjet tépildi

ezerbeyjan döletlik penler akadémiyesi qolyazmilar institutining arxipidin qanuni sultan suleyman dewrige tewe bir «mülükname» tépildi.

ezerbeyjanda qanuni sultan suleyman dewrige ait bir höjjet tépildi
kanuni belge.jpg
kanuni belge.jpg

türkiye awazi radiyosi xewiri: qanuni sultan suleymanning möhüri bar bolghan, diwani xet nusxisi bilen osmanli türkchiside yézilghan höjjet, anadolu we rumelide bezi kishilerge padishah teripidin zémin bérilishi mesilisi téma qilidiken.

«hibename» yaki «mülkname» dep atiliwatqan höjjet, qara, altun we kök rengler ishlitilip 1566 – yili istanbulda yézilghan bolup, kengliki 30, uzunluqi 180 santémir kélidighan höjjetning astida öz dewrining wezirliri pertew pasha we ferhat pasha bilen qazi eskerler ehmed ependi bilen huseyin ependining imzaliri bar iken.

qolyazmilar institutining muawin bashliqi piroféssor doktor pasha kerimow bayanat bérip, höjjetning arxipqa qachan we qandaq kelgenlikining éniq emeslikini éytti.

türkiyediki arxiplarda osmanli dölitining 10- padishahi qanuni sultan suleyman dewrige ait mushuninggha oxshap kétidighan höjjetlerning barliqini bildürgen kerimow, ezerbeyjan arxipidimu bundaq bir höjjetning tépilishining özlirini söyündürgenlikini bildürdi.

«mülkname»ning osmanli qanun tarixi tetqiqatlirigha nisbeten muhim bir matériyal ikenlikini qeyt qilghan kerimow, höjjetni eslige keltüridighanliqlirini sözlirige ilawe qildi.



مۇناسىۋەتلىك خەۋەرلەر