yer sharining etrapidiki hushqirghan awaz némining awazi?

yer sharining etrapida anglinidighan sirliq hushqirghan awazning hindi okyanning tégide peyda bolghan yanar tagh sewebidin chiqidighanliqi ispatlandi.

yer sharining etrapidiki hushqirghan awaz némining awazi?

türkiye awazi radiyosi xewiri: alimlar yéqinqi ikki yildin buyan yer sharining etrapida anglinidighan sirliq hushqirghan awazning, hindi okyanning tégidiki möjize xaraktérlik yer tewresh heriketliridin peyda bolghanliqini ispatlidi.

«Livescience.com» intérnét bétide bu heqte élan qilinghan xewerde körsitilishiche, gérmaniyening postdam (Postdam ) yer tewresh tetqiqat merkizining tetqiqatchisi simoné chiska (Simone Cesca) bashchiliqidiki tetqiqat guruppisi tekshürüsh netijilirini «tebiet ilmi» zhurnilida élan qilghan bolup, hushqirghan awazning hindi okyanning tégidiki magma birikmiliri seweb bolghan yer tewresh heriketliridin peyda bolghanliqini ispatlighan.

alimlar tunji qétim 2018-yili afriqaning sherqige jaylashqan madaghasqar bilen mozambik otturisidiki mayotté arili etrapida oxshash waqitta minglarche qétim yer tewreshning yüz bergenlikini؛ arqidin 2018-yili öktebirdin bashlap beziliri 40 minut dawamlashqan sirliq hushqirghan awazning dolqunsiman shekilde atmosféragha tarqalghanliqini bayqighan.

2019-yili firansiyening okyan tetqiq qilish guruppisi mayotté arili etrapida okyanning astida kengliki besh kilométir we okyan astidin égizliki 800 métir kélidighan yéngi yanar taghning shekillengenlikini bayqighan bolup, bu sirliq hushqirghan awazning yéshilishni kapaletke ige qilghan.

alimlar tekshürüsh netijiside, yanar taghning hindi okyanning astidin 32 kilométir töwende, kengliki 15 kilométir kélidighan birikme magmalarning okyan üstige chiqishigha imkaniyet yaritip bergenlikini, bir yil ichide wolqan xaraktérlik shekillinishning axirlashqanliqini we bu zich yer tewresh heriketlirining hushqirghan awazni peyda qilidighanliqini ispatlidi.



مۇناسىۋەتلىك خەۋەرلەر