йәр шариниң әтрапидики һушқирған аваз неминиң авази?

йәр шариниң әтрапида аңлинидиған сирлиқ һушқирған авазниң һинди окйанниң тегидә пәйда болған йанар тағ сәвәбидин чиқидиғанлиқи испатланди.

йәр шариниң әтрапидики һушқирған аваз неминиң авази?

түркийә авази радийоси хәвири: алимлар йеқинқи икки йилдин буйан йәр шариниң әтрапида аңлинидиған сирлиқ һушқирған авазниң, һинди окйанниң тегидики мөҗизә характерлик йәр тәврәш һәрикәтлиридин пәйда болғанлиқини испатлиди.

«Livescience.com» интернет бетидә бу һәқтә елан қилинған хәвәрдә көрситилишичә, германийәниң постдам (Postdam ) йәр тәврәш тәтқиқат мәркизиниң тәтқиқатчиси симоне чиска (Simone Cesca) башчилиқидики тәтқиқат гурупписи тәкшүрүш нәтиҗилирини «тәбиәт илми» журнилида елан қилған болуп, һушқирған авазниң һинди окйанниң тегидики магма бирикмилири сәвәб болған йәр тәврәш һәрикәтлиридин пәйда болғанлиқини испатлиған.

алимлар тунҗи қетим 2018-йили африқаниң шәрқигә җайлашқан мадағасқар билән мозамбик оттурисидики майотте арили әтрапида охшаш вақитта миңларчә қетим йәр тәврәшниң йүз бәргәнликини؛ арқидин 2018-йили өктәбирдин башлап бәзилири 40 минут давамлашқан сирлиқ һушқирған авазниң долқунсиман шәкилдә атмосфераға тарқалғанлиқини байқиған.

2019-йили фирансийәниң окйан тәтқиқ қилиш гурупписи майотте арили әтрапида окйанниң астида кәңлики бәш километир вә окйан астидин егизлики 800 метир келидиған йеңи йанар тағниң шәкилләнгәнликини байқиған болуп, бу сирлиқ һушқирған авазниң йешилишни капаләткә игә қилған.

алимлар тәкшүрүш нәтиҗисидә, йанар тағниң һинди окйанниң астидин 32 километир төвәндә, кәңлики 15 километир келидиған бирикмә магмаларниң окйан үстигә чиқишиға имканийәт йаритип бәргәнликини, бир йил ичидә волқан характерлик шәкиллинишниң ахирлашқанлиқини вә бу зич йәр тәврәш һәрикәтлириниң һушқирған авазни пәйда қилидиғанлиқини испатлиди.



مۇناسىۋەتلىك خەۋەرلەر