sultan abdulhemidxanning shexsiy eshyaliri körgezmige qoyuldi
sultan 2-abdulhemidxanning shexsiy eshyaliridin qilich, qamcha, yaghachchiliq esliheliri, tesbihliri we altun tamghisi tunji qétim körgezme qilindi.
1321830
türkiye awazi radiyosi xewiri: istanbul beshiktashqa jaylashqan saray yadikarliqliri muzéyigha qoyulghan milliy saraylar idarisi teripidin yildiz (yultuz) sariyi yadikarliqlar tizimlikige kirgüzülgen sultan 2-abdulhemidxanning qilichi, qamchisi, yaghachchiliq esliheliri, tesbihliri we altun tamghisi buningdin kéyin dawamliq körgezmige qoyulidu. körgezmige qoyulghan yadikarliqlar arisidiki altun tamghining üstide abdulhemidxanning möhüri bar.
körgezmige 99 uruqluq ikki tesbih qoyuldi. bulardin biri ud derixidin yasalghan altun köz örülgen tesbih, yene biri sériq renglik kehriwadin yasalghan zenjirliri kümüsh tesbih.
yaghachchiliq esliheliri bolsa, oxshimighan chongluq we türlerdiki yaghachchiliq qelemliridin terkip tapidu.
