türkiyening daéshqa qarshi kürishini chüshendürgen kitab neshr qilindi

türkiyening térrorluq teshkilati daésh peyda qilghan tehditler we bularni yoqitishqa qaritilghan bixeterlik herbiy heriketler chüshendürülgen «türkiyening daéshqa qarshi kürishi» namliq kitab, oqurmenler yüz körüshti.

türkiyening daéshqa qarshi kürishini chüshendürgen kitab neshr qilindi

türkiye awazi radiyosi xewiri: anadolu agéntliqi élan qilghan xewerlerge asasen teyyarlanghan, türkiyening térrorluq teshkilati daésh peyda qilghan tehditler we bularni yoqitishqa qaritilghan bixeterlik heriketliri chüshendürülgen kitab, türkche, inglizche we erebche neshr qilindi.

térrorluq teshkilati daéshning otturigha chiqishi, yéyilishi we yoqilishi, iraqta kéngishi, dunyada peyda qilghan hujumliri, kattibashliri, türkiyede peyda qilghan qanliq hujumliri we türkiyening daéshqa qarshi küreshte uchrighan ziyanliri bayan qilinghan kitab, firat qalqini herbiy herikitinimu yorutup béridu.

kitabning kirish skzini yazghan anadolu agéntliqi mudiriyetining bashliqi we bash mudiri shenol kazanji, türkiyening iraq bilen süriyege qoshna bolushi we chet ellik térroristlarning ötüsh nuqtisigha jaylishishining, daéshning tehditlirige eng köp uchrighan dölet bolushigha seweb bolghanliqi bildürdi.

islam jughrapiyeside örnek körsitilgen türkiyening, küchini dinni süyiistémal qilishtin alghan térrorluq teshkilati daéshning nishanigha aylanghan döletlerning béshida kélidighanliqini alahide eskertken shenol kazanji, térrorluq teshkilatining 2014-yili mart éyidin bashlap térrorluq hujumini peyda qilishqa bashlighanliqini, biraq türkiyening buningdin xéli burun bolghan 2013-yili 30-séntebirde teshkilatni térrorluq teshkilati tizimlikige kirgüzüp meydanini namayan qilghanliqini qeyt qildi.

u térrorluq teshkilati daéshning eng köp ziyinigha uchrighan dölet bolghan türkiyening, dunyawi alaqe torini tézlikte kéngeytip, gherb döletliridimu qanliq hujumlarni peyda qilghan térrorluq teshkilatigha qarshi küreshte bashtin tartip aldinqi septin orun alghanliqini tekitlidi.


خەتكۈچ: anadolu agéntliqi , kitab , daésh

مۇناسىۋەتلىك خەۋەرلەر