yusuf islam «ömür boyi muweppeqiyet mukapati» gha érishti

türkiye radiyo-téléwiziye idarisi-t r t (TRT) ning bu yilliq t r t dunya puqrasi (TRT World Citizen) paaliyitining 2-qétimliq mukapatliri istanbulda tarqitildi.

yusuf islam «ömür boyi muweppeqiyet mukapati» gha érishti
trt world citizen.jpg
trt world citizen.jpg
trt world citizen.jpg
trt world citizen.jpg
trt world citizen.jpg

türkiye awazi radiyosi xewiri: insanperwerlik xizmetliri bilen dunyagha ilham bolghan yusuf islam, eng abruyluq mukapat bolghan «ömür boyi muweppeqiyet mukapati» ni, jumhur reis rejep tayyip erdoghanning repiqisi emine erdoghanning qolidin tapshuruwaldi.

emine erdoghan mukapat tarqitish murasimida söz qilip, türkiyening dunyadiki eng mert dölet dep qarilidighanliqini éytti.

t r t bashqurush heyiti kéngishining bashliqi we bash mudiri ibrahim eren dunya xaraktérlik insaniy mesililerning hel qilinishigha hesse qoshushni xalaydighanliqlirini eskertip, t r t ning médya sahesidiki ornini tekitlidi.

u: «mewjut dunya tertipige qarshi künséri yuqiri awaz bilen <dunya beshtin chong> déyilmekte. türkiye bu chong özgirishning, chaqiriqning merkizidiki dölet hésablinidu. türkiye adil we yéngi dunyaning bashlamchisidur. t r t bolsa, türkiyening jamaet taratqusi süpitide, yéngi médya we til yaritishta tallashqa bolidighan emes, belki qurghuchi, bashlamchi we yétekligüchi médya orgini bolush üchün qetiy iradige ige» dédi.

murasimda alte katégoriye boyiche mukapat tarqitildi.

fatémah alabad helebte yüz bergen urushni qizi bilen birlikte ijtimaiy taratquda tarqatqanliqi üchün «urushning ayali» mukapatigha layiq körüldi.

hawwa adem muhemmed maaripchi mukapatigha, ehmet abu retayma uchur-alaqe mukapatigha, reyhan jamalowa yashliq mukapatigha érishti.

ehmet ezizwahabzade yilning dunya puqrasi mukapatigha érishti.

mukapatlarni ibrahim eren tarqitip berdi.

bu yil (2019) «t r t world puqrasi» ning eng abruyluq mukapati hésablinidighan «ömür boyi muweppeqiyet», «tinchliq poyizi» namliq layihesi bilen, musulman bolghandin kéyin ismini yusuf islamgha özgertken senetchi we paaliyetchi ket stéwéns (Cat Stevens) qa bérildi. yusuf islam mukapatini emine erdoghandin tapshuruwaldi.



مۇناسىۋەتلىك خەۋەرلەر