йусуф ислам «өмүр бойи мувәппәқийәт мукапати» ға еришти

түркийә радийо-телевизийә идариси-т р т (TRT) ниң бу йиллиқ т р т дунйа пуқраси (TRT World Citizen) паалийитиниң 2-қетимлиқ мукапатлири истанбулда тарқитилди.

йусуф ислам «өмүр бойи мувәппәқийәт мукапати» ға еришти
trt world citizen.jpg
trt world citizen.jpg
trt world citizen.jpg
trt world citizen.jpg
trt world citizen.jpg

түркийә авази радийоси хәвири: инсанпәрвәрлик хизмәтлири билән дунйаға илһам болған йусуф ислам, әң абруйлуқ мукапат болған «өмүр бойи мувәппәқийәт мукапати» ни, җумһур рәис рәҗәп таййип әрдоғанниң рәпиқиси әминә әрдоғанниң қолидин тапшурувалди.

әминә әрдоған мукапат тарқитиш мурасимида сөз қилип, түркийәниң дунйадики әң мәрт дөләт дәп қарилидиғанлиқини ейтти.

т р т башқуруш һәйити кеңишиниң башлиқи вә баш мудири ибраһим әрән дунйа характерлик инсаний мәсилиләрниң һәл қилинишиға һәссә қошушни халайдиғанлиқлирини әскәртип, т р т ниң медйа саһәсидики орнини тәкитлиди.

у: «мәвҗут дунйа тәртипигә қарши күнсери йуқири аваз билән <дунйа бәштин чоң> дейилмәктә. түркийә бу чоң өзгиришниң, чақириқниң мәркизидики дөләт һесаблиниду. түркийә адил вә йеңи дунйаниң башламчисидур. т р т болса, түркийәниң җамаәт таратқуси сүпитидә, йеңи медйа вә тил йаритишта таллашқа болидиған әмәс, бәлки қурғучи, башламчи вә йетәклигүчи медйа оргини болуш үчүн қәтий ирадигә игә» деди.

мурасимда алтә категорийә бойичә мукапат тарқитилди.

фатемаһ алабад һәләбтә йүз бәргән урушни қизи билән бирликтә иҗтимаий таратқуда тарқатқанлиқи үчүн «урушниң айали» мукапатиға лайиқ көрүлди.

һавва адәм муһәммәд маарипчи мукапатиға, әһмәт абу рәтайма учур-алақә мукапатиға, рәйһан җамалова йашлиқ мукапатиға еришти.

әһмәт әзизваһабзадә йилниң дунйа пуқраси мукапатиға еришти.

мукапатларни ибраһим әрән тарқитип бәрди.

бу йил (2019) «т р т ворлд пуқраси» ниң әң абруйлуқ мукапати һесаблинидиған «өмүр бойи мувәппәқийәт», «тинчлиқ пойизи» намлиқ лайиһәси билән, мусулман болғандин кейин исмини йусуф исламға өзгәрткән сәнәтчи вә паалийәтчи кәт стевенс (Cat Stevens) қа берилди. йусуф ислам мукапатини әминә әрдоғандин тапшурувалди.



مۇناسىۋەتلىك خەۋەرلەر