eghrichayir hesili «dunyadiki eng yaxshi hesel» mukapatigha layiq körüldi

türkiye awazi radiyosi xewiri: kanadaning montiréyal shehiride 8-12-séntebir künliri arisida ötküzülgen 46-nöwetlik kongrening eng axirqi künide, «dunyadiki eng yaxshi hesel» mukapatigha érishken eghrichayir hesilining xojayini jelal chay: «biz mersinning toros taghlirida organik here mehsulatliri ishlepchiqiridighan shirket. ailimizning here béqish enenisi 300 yildin artuq tarixqa ige bolup, ewladtin ewladqa dawamlishiwatidu. künimizde ailining yéngi ewladliri bolush süpitimiz bilen dawamliq eng yaxshi heselni ishlepchiqirimiz. eghrichayir hesili 2009-yilidin tartip izchil halda musabiqilerge qatnishiwatidu. organik hesilimiz 2013-yili ukraina paytexti kiyéwde ötküzülgen dunya here béqish teshkilati kongresining musabiqiside kümüsh médalgha, 2017-yili istanbuldiki yighinda altun médalgha érishken idi» dédi.

türkiyening montiréyal shehiride turushluq bash konsuli barkan umruq kongre boyiche türkiyelik here baqquchilar bilen birge boldi.

u kongrede qolgha keltürülgen netijilerdin özlirini shereplik hés qilidighanliqlirini bildürüp: «töt pesli éniq, ösümlükliri mol bolghan dölitimizning tebiiy alahidilikliridin eng yaxshi paydilanghan here baqquchilirimizning beriketlik xizmetliri netijiside, dölitimizdiki bir shirketning 46-nöwetlik dunya here béqish kongreside altun médalgha érishishi we <dunyadiki eng yaxshi hesel> mukapatigha layiq körülüshi, bizni xushalliqqa chömdürdi» dédi.