сребренитса ирқий қирғинчилиқиниң қурбанлири дәпнә қилинди

йавропада иккинчи дунйа урушидин кейин йүз бәргән әң чоң инсанийәт тирагедийәси дәп қобул қилинған вә әң аз дегәндә 8 миң 372 бошнақ рәһимсизләрчә қирғин қилинған сребренитса ирқий қирғинчилиқиниң қурбанлири дәпнә қилинди.

сребренитса ирқий қирғинчилиқиниң қурбанлири дәпнә қилинди

түркийә авази радийоси хәвири: бүгүн (11-ийул) сребренитса ирқий қирғинчилиқида қурбан болған 33 кишиниң мейити поточаридики хатирә қәбристанлиқида йәрликкә қойулди.

түркийә йашлиқ вә тәнтәрбийә министири мәһмәт муһәррәм касапоғлу вә бир қанчә парламент әзалири иштирак қилған җиназа вә хатириләш мурасимиға, боснийә-гертсеговинадики хәлқаралиқ тәшкилатларниң вәкиллири, сийасәтчиләр, дипломатлар, диний өлималар вә дөләт ичи-сиртидин кәлгән миңларчә киши қатнашти. кишиләр поточари хатирә қәбристанлиқиға гүлчәмбирәкләр қойди.

пешин намизидин кейин, 33 қурбанниң мейит намизи оқулди. боснийә-гертсеговина дийанәт ишлири идарисиниң башлиқи һүсәйин кавазович сребренитсада йүз бәргән ирқий қирғинчилиқниң иккинчи қетим һечқандақ йәрдә йүз бәрмәсликини вә һечкимниң бешиға кәлмәсликини теләп дуа қилди. дуа-телавәттин кейин, 33 қурбанниң исим-шәрипи бирму бир оқулди вә мейитлар йахши көридиған йеқинлири тәрипидин йәрликкә қойулди.

поточари хатирә қәбристанлиқиға дәпнә қилинған қурбанларниң сани бүгүн йәрликкә қойулғанлар билән 6 миң 643 кә чиққан болди.

бүгүн мейити йәрликкә қойулған 33 қурбанниң ичидики әң кичик осман җиврик 16 йаш, әң чоңи саһа җиврик 82 йаш.



مۇناسىۋەتلىك خەۋەرلەر