gérmaniyede jameler hujumgha uchridi

gérmaniyede ikki jame zorawanlarning  hujumigha uchridi.

gérmaniyede jameler hujumgha uchridi

türkiye awazi radiyosi xewiri: gérmaniyening brémén shehirige jaylashqan «raxman jamesi» de texminen 50 dane quran kerim weyran qiliwétildi, kasswéldiki merkez jamesimu tashliq hujumgha uchridi.

gérmaniyening héssén ölkisining kassél shehiridiki türk – islam birliki teshkilatigha qarashliq merkez jamesi namelum kishi yaki kishilerning hujumigha uchridi.

kassél merkez jamesi jemiyitining bashliqi seyfettin eryörük, jamelerning jamaet yoq waqitta tashliq hujumgha uchrighanliqini, hujumda jamening derizilirining chéqilip ketkenlikini eskertish bilen bir waqitta, hujumni qattiq eyibleydighanliqini bildürdi, hemde jawabkarlarning eng qisqa waqit ichide qolgha chüshürülüshini telep qildi.

aldinqi yillardimu mezkur jame bölgünchi térrorluq teshkilati p k k terepdarlirining hujumigha uchrighan, lékin jawabkarlar qolgha chüshmigenidi.

bréménda bolsa bashqurush heyitide afghanistanliqlar we pakistanliqlar köp sanliqni teshkil qilidighan «raxman jamesi» de texminen 50 dane quran kerim yirtip tashlanghan, bir qismi xalagha tashliwétilgenidi.

qebih hujum sewebidin bréménda  yashawatqan musulmanlar ammiwi ortaqlishish tor betliridiki sehipiliride buningdin tolimu epsuslinidighanliqlirini bildürdi hem naraziliqlirini ipadilidi.


خەتكۈچ: zorawan , jame , hujum , gérmaniye

مۇناسىۋەتلىك خەۋەرلەر