erdoghan istanbulning pethi qilinishi toghruluq bayanat élan qildi
jumhur reis erdoghan istanbulning 1453 – yili pethi qilinishining, bir dewrni axirlashturup, yene bir dewrni achqan, siyasiy, ijtimaiy we medeniyet jehettiki netijiliri bilen tarixning yönilishini özgertken tarixiy zeperlerdin biri ikenlikini éytti.
türkiye awazi radiyosi xewiri: jumhur reis rejep tayyip erdoghan 29 – may istanbulning pethi qilinishining 566 – yilliqi munasiwiti bilen élan qilghan bayanatida, mundaq dédi: «söyümlük peyghembirimizning medhiyesige, xush xewer bérishige nail bolghan fatih sultan mehmet xan we qehriman eskerlerning istanbulni pethi qilghan waqitta namayen qilghan qetiy iradisi, tolup tashqan ishenchi, bügünki künde türkiyeni 2023 –, 2053 – we 2071 – yilliq ulughwar nishanliri we ghalibiyet menzilgahlirigha yetküzüshimiz üchün bizge ilham menbesi bolmaqta. istanbulning 1453 – yili pethi qilinishi, bir dewrni axirlashturup, yene bir dewrni achqan, siyasiy, ijtimaiy we medeniyet jehettiki netijiliri bilen tarixning yönilishini özgertken muhim tarixiy zeperlerdin biridur. 29 – may istanbulning pethi qilinishining 566 – yilliqini qizghin tebrikleymen. fatih sultan mehmet xanning xush péilliq we adaletke asaslinidighan hakimiyiti arqiliq istanbul oxshimighan étiqadlar we medeniyetlerge mensup xelqler inaq hem tinch bir yerde yashiyalaydighan muhim merkezge aylanghandur.»
