türkiyening ilmiy birikmiliri chet tillargha terjime qilinidu

türkiye diniy ishlar bashqarmisi bashliqi eli erbash, reqemlik neshriyatchiliq bashqarmisining qurulidighanliqini, türkiyediki ilmiy birikmilerning chet tillargha, bolupmu erebchige terjime qilinidighanliqini éytti.

türkiyening ilmiy birikmiliri chet tillargha terjime qilinidu

türkiye awazi radiyosi xewiri: türkiye diniy ishlar bashqarmisi bashliqi eli erbash, türkiye diyanet wexpi islam tetqiqatliri merkizining iptar paaliyitide söz qilip, islam tetqiqatliri merkizining kutubxanisida 2 milyondin artuq eserning barliqini bildürdi we sözini dawamlashturup, «chong bir kutubxanigha éhtiyaj bar. buninggha alaqidar pilanmu bar» dédi.

reqemliq neshriyatchiliq bashqarmisining qurulidighanliqini bildürgen eli erbash, diyanet ilmi zhurnilining ereb tilidimu neshr qilinidighanliqini, iyul éyida chiqidighan mezkur zhurnalning dunyadiki nurghun kutubxanilargha ewetilidighanliqini qeyt qildi.

u yene, üch esirdin buyan türkiyede yézilghan muhim eserlerni dunyagha tonutush üchün, ereb we ingliz tilida tizimliklerning chiqirilip dunya kutubxanilirigha ewetilidighanliqini sözlirige ilawe qildi.



مۇناسىۋەتلىك خەۋەرلەر