yéngi zélandiye bash ministiri oghul dosti bilen toy qilishqa pütüshti

yéngi zélandiye bash ministiri jéynda ardérn (Jacinda Ardern) gha chay ichürülgenliki bildürüldi.

1194357
yéngi zélandiye bash ministiri oghul dosti bilen toy qilishqa pütüshti

türkiye awazi radiyosi xewiri: yéngi zélandiye radiyosining bash ministirliq ishxanisini menbe qilghan xewiride körsitilishiche, bash ministir ardérn paskalya bayrimi mezgilide oghul dosti klark gayford (Clarke Gayford) bilen öylinishke pütüshken.

2013-yilidin tartip birlikte turuwatqan ardérn bilen gayfordning 21-iyunda (2018) néw té aroha (Neve Te Aroha) isimlik qizi dunyagha kelgen idi.

bir juplar hazirche chay ichürülüsh toghrisida héchqandaq uchur élan qilmidi, emma bu xewer tarqalghandin kéyin tebrikler kélishke bashlidi. öktichi dölet partiyesining rehbiri simon brijés (Simon Bridges) twittérda bayanat élan qilip: «bash ministir we klarkning chay ichürülgenlikini tebrikleymiz» dédi.

pakistanning sabiq bash ministiri bénazir buttodin kéyin, hakimiyettiki chéghida perzent yüzi körgen ikkinchi ayal bash ministir hésablinidighan jéynda ardérn, amérikaning niyu york shehiride 73-nöwetlik b d t omumiy kéngishi dairiside échilghan nélson mandéla tinchliq yighini (2018) gha üch ayliq bolghan qizi bilen qatnashqan idi.



مۇناسىۋەتلىك خەۋەرلەر