sultan süleymanning may boyaq resimi sétildi
italiyelik ressam géntayl béllinining izbasarliridin biri sizghan dep qariliwatqan qanuniy sultan süleyman may boyaq resimi 5 milyon 323 ming 500 fondstérlinggha sétildi.
türkiye awazi radiyosi xewiri: londondiki Sotheby's baha talashturup sétish ornining «islam dunyasining senetliri» namliq qedimiy eserliri tünügün bazargha sélindi.
Sotheby's ning bu heqtiki bayanatida, baha talashturup sétish dairiside bazargha sélinghan 311 parche eserning arisida italiyelik ressam géntayl béllinining izbasarliridin biri sizghan dep qariliwatqan qanuniy sultan süleyman may boyaq resimining 5 milyon 323 ming 500 fondstérlinggha sétilghanliqi bildürüldi.
padishah textke olturghan 1520 – yili etrapida wénédikte osmanli sariyigha kirip chiqalaydighan gherblik diplomatlarning teripleshlirige asasen sizilghan bolushi mumkin, dep qariliwatqan may boyaq resim, baha talashturup sétishqa sunulushtin ilgiri 250 ming bilen 350 ming fondstérling ariliqida sétilishi mumkin, dep qaralmaqta idi.
Sotheby’s ning ottura sherq we islam senetliri mutexessisi aléksandra roy baha talashturush sétish paaliyiti toghrisida aldin melumat bérip, qanuni sultan süleyman may boyaq resimining eng qimmetlik ikki eserning biri ikenlikini éytqanidi.
