дунйада оттуричә өмүр көрүш нисбити ашти

дунйа сәһийә тәшкилати доклат елан қилип, оттуричә өмүр көрүш нисбитиниң ашқанлиқини, тәрәққий қилған дөләтләрдә бу нисбәтниң техиму йуқирилиқини билдүрди.

1177687
дунйада оттуричә өмүр көрүш нисбити ашти

түркийә авази радийоси хәвири: дунйа сәһийә тәшкилати елан қилған «дунйа сәһийә истатистика доклати» ға асасланғанда, 2000-йилидин 2016-йиллириғичә оттуричә өмүр көрүш нисбити 5.5 йил ешип, 66.5 йаштин 72 йашқа чиққан.

доклатта көрситилишичә, оттуричә өмүр көрүш нсбитидә киши бешиға чүшкән кирим изчил һалда бәлгиләш характерлик рол ойниған. кирим мәнбәси төвән болған дөләтләрдики оттуричә өмүр көрүш нисбити кирими йуқири дөләтләргә селиштурулғанда, 18.1 йил төвән икән.

доклатта, 2019-йилида 75 милйони оғул, 68 милйони қиз болуп җәмий141 милйон бовақниң туғулидиғанлиқи тәхмин қилинған болуп, оғулларниң 69.8 йил, қизларниң 74.2 йил йашайдиғанлиқи қәйт қилинди.

доклатта қәйт қилинишичә, йапонийәликләр билән шивейсарийәликләр әң узун өмүр көридиған болуп, йапонийәниң оттуричә өмүр көрүш нисбити 84 йаш, шивейтсарийәниң 83 йаш икән. оттура африқа җумһурийити билән лесотода кишиләр 52 йаштин 53 йашқичә өмүр көридиған болуп, оттуричә өмүр көрүш нисбити әң төвән дөләтләр икән.

тунҗи қетим җинсийәтни асас қилған оттуричә өмүр көрүш нисбити истатистика қилинған доклатта, тәрәққий қилған дөләтләрни өз ичигә алған һалда айалларниң әрләргә қариғанда узун өмүр көридиғанлиқи билдүрүлди.

доклатта, айалларниң әрләргә қариғанда сәһийә хизмәтлиригә еришиш нисбитиниң йуқири икәнлики, әрләрниң алдини елишқа болидиған йаки давалап сақайтқили болидиған кесәлликләр вә қатнаш вәқәси билән өлүш нисбитиниң айалларға қариғанда йуқири икәнлики әскәртилди.        



مۇناسىۋەتلىك خەۋەرلەر