әтә мираҗ қәндили

ислам дунйасида «аллаһниң дәргаһиға йүксилиш вә барлиқ гунаһлардин паклиниш» дәп қобул қилинидиған мираҗ қәндили әтә идрак қилиниду.

1175024
әтә мираҗ қәндили

түркийә авази радийоси хәвири: мираҗ қәндили 8 – март күни башланған «мубарәк үч ай» ниң биринчиси болған рәҗәб ейиниң 27 – кечисигә тоғра келиду.

ислам етиқадида, муһәммәд әләйһиссалам мираҗ кечиси аллаһ тааланиң дәвитигә бинаән җибриил әләйһиссаламниң һәмраһлиқида мәсҗиди һәрәмдин мәсҗиди әқсаға, у йәрдин асманға вә илаһий һузурға йүлксәлгән, сәпиридә «бурақ» намлиқ тулпарға минип, сайаһәт қилған, дәп қарилиду.

шу кечиси муһәммәд әләйһиссаламға бир кечә – күндүздә бәш вақит намаз оқуш пәрз қилинған, аллаһ таалаға шерик кәлтүрмигәнләрниң җәннәткә киридиғанлиқи тоғрулуқ хуш хәвәр берилгән, «амәнәр рәсулу» дәп башланған «бәқәрә сүриси» ниң ахирқи икки айити назил қилинған.

шуниң билән бир вақитта, шу кечиси, аллаһ таала муһәммәд әләйһиссаламға һәм инсанниң йашаш һәққи, шан – шәрипи вә ар – номусини қоғдаш,  һәмдә җәмийәтниң һузури вә бихәтәрликини қоғдаш нишан қилинған 12 түрлүк әмирни вәһий қилған.

игилинишичә, түркийә диний ишлар идариси диний хизмәтләр баш идариси тәрипидин «мираҗ қәндили» мунасивити билән түрлүк паалийәтләр өткүзүлидикән.



مۇناسىۋەتلىك خەۋەرلەر