türkiyedin ewetilgen güller 20 döletning xanim – qizlirining könglini xush qilidu
türkiyedin «8 – mart xelqara xanim - qizlar bayrimi» küni munasiwiti bilen 20 döletke texminen 5 milyon dollarliq gül éksport qilindi.
türkiye awazi radiyosi xewiri: ottura anadolu menzire ösümlükliri we buyumliri éksportchiliri birliki ijraiye heyitining bashliqi ismail yilmaz, «14 – féwral ashiq – meshuqlar bayrimi» künige atap gül zakas qilinishidin kéyin, «8 – mart xelqara xanim - qizlar bayrimi» küni munasiwiti bilenmu gül zakas qilish ishlirining köpiyip ketkenlikini, texminen 20 kündin buyan bu heqte xizmet ishlewatqanliqlirini eskertish bilen bir waqitta, axirqi gül zakas qilish ishlirini tünügün ishqa ashurghanliqlirini tekitlep mundaq dédi: «20 döletke 35 milyon gül ewettuq, eng köp ukraina, bulghariye, ruminiyege gül éksport qilindi. <xelqara xanim - qizlar bayrimi> küni bolupmu sherq lagéri elliride qizghin tebriklinidu, yawropaning gherbiy qismida bu döletlerdikidek hayajan yoq.»
gülchilik saheside 100 xildin artuq gül östürülgenlikini, biraq, köp hallada séringül éksport qilinidighanliqini qeyt qilghan yilmaz, oxshimighan türdiki güllerning izchi bazarlargha sélinidighanliqini eskertti.
u yene, «8 – mart xelqara xanim - qizlar bayrimi» künidimu, «ashiq – meshuqlar bayrimi» künidikige oxshashla qizil séringülning tallinidighanliqinimu sözlirige ilawe qildi.
