un halwisi

türkiye awazi radiyosi: halwa türk dastixanlirida zadi kem bolsa bolmaydighan tatliq taamlardin biridur. tégi ottura sherqdin ottura asiyaghiche bolghan payansiz térrotériyege sozulidighan halwa, türklerning medeniyitide adettiki bir halwa bolushtinmu bekrek ehmiyetke ige. mesilen, türklerde ailide birersi wapat bolsa, halwa étidighan, saghlam tughuttin kéyin halwa ikram qilinish bilen balini tebrikleydighan, alahide künlerde mexsus halwa étip yéyilidighan adetler bar.

halwa étish üchün kéreklik bolghan matériyallar töwendikiche:

• 3 qoshuq sériq may
• 2  qoshuq adettiki yagh
• 1 istakan un
• 1 yaki 1 yérim istakan shéker
• 2 istakan su (suning ornigha 1 istakan süt ishlitishkimu bolidu)
• 2 qoshuq qarighay uruqi

halwa étish usuli mundaq:

• aldi bilen sériq may, yagh, un we qarighay uruqini qazangha sélip, az otta qorushqa bashlang, andin renggi qoyuqlashqangha qeder arilashturup qorung. bu jeryanda biraz sewr - taqet qilishingizgha toghra kélidu.
• birla waqitta yene bir qazanda su bilen shékerni qaynitip, qiyam qiling.
• unluq arilashmining renggi qoyuqlashqangha qeder sherbetni asta – asta, her qétimda bir qoshuqtin unning üstige ilawe qiling we tézlik bilen arilashturung. unning kallekliship qalmasliqigha diqqet qiling. qiyamning hemmisini mushu usul boyiche unluq arilashmigha yégüzüng.
• otni öchürüp, 10 minut kütüng.
• emdi halwini yésingiz yaki méhmanlargha ikram qilsingiz bolidu.