qarni yariq

türkiye awazi radiyosi: türk taamliri arisida eng köp istémal qilinidighan köktatlardin biri shek – shübhisiz halda pédigendur. ana wetini hindistan bolghan bu köktat türk tamliri sépige kéyin qétilghan bolsimu, lékin, tördin orun alghan. shu sewebtin bolsa kérek, türkiyede türi yüz nechchige yétidighan «pédigen taamliri» bardur. pédigen doxopkida yaki tawida weyaki qazanda pishurulidighan؛ göshlük yaki göshsiz؛ soghuq yaki issiq yéyilidighan asasliq taam matériyali hésablinidu.

«türk taamliri» namliq pirogrammimizda silerni «pédigenlik taamlar»  heqqide mol melumatlar bilen teminleymiz. bügün silerge «pédigenlik qarniyariq» ni tonushturimiz. qarni yérilghan, sirti késiwétilgen dégen menilerni bildüridighan «qarniyariq» ni étish üchün kéreklik bolghan matériyallar töwendikiche:

• 6 dane kichik pédigen
• 200 giram qiyma
• 2 dane piyaz
• 3 dane pemidur
• 1 chish samsaq
• yérim istakan yagh
• muwapiq miqdarda tuz, qarimuch we qizilmuch

«pédigenlik qarniyariq» ni étish usuli mundaq:

• aldi bilen pédigenlerni soyung, andin, yagh singip ketmesliki üchün yérim saet tuzluq suda qoyung, arqidin sudin chiqirip, yuyup qurutqandin kéyin yaghda daghlang.
• daghlanghan pédigenler soghughan chaghda, aldi bilen, kichik toghralghan piyazlar bilen samsaqlarni tawida qorung, andin qiymini qoshup, taki renggi qoyuqlashqangha qeder pishurung, arqidin toghralghan 2 dane pemidur, tuz we tétitqularni sélip, arilashturup, 10 minut az otta pishurup, pemidurlargha süyini yégüzüng.
• pédigenlerni bir petnusqa qoyup, otturisidin uzunisigha pichaq bilen késing we bir qéyiqqa oxshash éching, andin qiymiliq matériyalni pédigenlerning ichige toldurung, arqidin pédigenlerning üstige oxshash chongluqta toghralghan bir dane pemidur bilen bir dane muchni orunlashturung.
• ayrim bir yerde bir qoshuq pemidur qiyamini bir yérim istakan suda ézip, pédigenlerning arisigha séling.
• petnusni 170 girasluq issiqliqtiki doxupkida 20 – 25 minut etrapida pishurung.