تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

түркийәниң кино-филим саһәси барғансери зораймақта

әң көп өзиниң филимлири көрүлидиған түркийәниң кино-филим саһәси барғансери кеңийип, хәлқара фестивалларда зор алқишларға сазавәр болмақта.

түркийәниң кино-филим саһәси барғансери зораймақта

түркийә авази радийоси хәвири: түркийә базирида түркийә филимлириниң рәқиби йоқ. 2017-йилниң тунҗи үч ейида тәхминән 36 милйон көрүрмән сани 2018-йили 42 милйондин ашти. көрүрмәнләр билән йүз көрүшкән йәрлик филим сани 147 дин 172 гә чиқти.

филим сенарийәси йазғучиси мәһмәт аҗар йавропада өз дөлитиниң филимлирини әң көп көридиған дөләтниң түркийә икәнликини билдүрүп: «һәммә дөләт филим ишләйду, бирақ америка филимлири билән риқабәт қилалмайду. түркийәдә болса, дәл буниң тәтүриси» деди.

бу һәқтики истатистика рәқәмлири түркийә филимлири нуқтисидин ейтқанда, йахши йүзлинишни көрситип бәрмәктә. түрк көрүрмәнләр бурун әң көп көридиған қопал комедийә филимлириниң орнини тәрҗимиһал вә драмма түридики филимләр алған.

узун вақиттин бери түркийә телевизийә тийатирлири дунйа телевизийә қаналлирида көрситиливатқан болуп, бу әһвал түркийә кино филимлириғиму тәсир көрсәтти.

түркийә радийо-телевизийә идариси т р т (TRT) кино-филим саһәсидә муһим рол ойнимақта. т р т йаш кино-филим һәвәскарлириға алаһидә етибар берип, көрүрмәнләрни сүпәтлик филимләр билән йүз көрүштүрмәктә.

хәлқаралиқ фестивалларда түркийә филимлири зор алқишларға еришти. «кәләбәкләр» (кепинәкләр) филими 2018-йили санданс (Sundance) филим фестивалида әң йахши филим болуп баһаланди. «аһлат» филими кан фестивалида зор алқишқа еришти.



مۇناسىۋەتلىك خەۋەرلەر