chingiz aytimatow alahide murasim bilen xatirilendi
chingiz aytimatow tughulghanliqining 90 – yilida, qazaqistanning paytexti astanada «dunya edebiyatining katta erbabi» témiliq alahide murasim bilen xatirilendi.
türkiye awazi radiyosi xewiri: qazaqistan döletlik kütübxananisi teripidin uyushturulghan murasimgha qirghizistanning astanade turushluq bash elchisi jenbék qulubayéw, parlamént ezasi sautbék abdirehmanowdin bashqa yene, nurghun sanda edebiyatchi we méhmanlar qatnashti.
chingiz aytimatow heqqide qisqa tonushturush filimi körsitish bilen bashlanghan paaliyetning arqidin qirghizistan bash elchsi qulubayéw söz qilip, uning qirghiz we qazaq kültürini pütün dunyagha tonutqanliqini éytti.
qulubayéw: «yazghuchimiz qirghizistan bilen qazaqistanning özara munasiwetlirining tereqqiyatigha chong töhpilerni qoshti» dédi.
qirghizistan parlamént ezasi abdirehanowmu chingiz aytimatowning yalghuz qazaqlar bilen qirghizlarningla emes, pütün türk dunyasining yazghuchisi ikenlikini tekitlep, «qazaq yazghuchi muxtar arézowdin kéyin türk dunyasini birleshtürgen yazghuchi aytimatowdur. dunyagha boz qirlarning hayatini, xelqlirimizning qimmet qarashlirini tonutti» dédi.
abdirehanow yene, «aytimatowning qaldurup ketken eserliri alahide ehmiyetke ige. aytimatowning dunya edebiyatida menggü yashaydighanliqigha ishinimen» dégen sözlernimu ishletti.
chingiz aytimatow 1928 – yili 12 – dékabirda qirghizistanning talas wilayitige qarashliq sheker yézisida dunyagha kelgen idi.
